पाचोरा (प्रतिनिधी) रेल्वेत नोकरी लावून देण्याच्या बहाण्याने पाचोरा तालुक्यातील तरुणाची तब्बल 20 लाखात फसवणूक केल्याचा प्रकार उघडकीस आला आहे. प्रकाश हरचंद सोनवणे, असे गुन्हा दाखल झालेल्या संशयित आरोपीचे नाव आहे.
मोहन फकिरा चौधरी (56, लोहटार, ता.पाचोरा) यांच्या तक्रारीनुसार त्यांच्या मुलाला रेल्वेत नोकरी लावून देण्याचे आमिष दाखवून प्रकाश सोनवणे यांनी 20 लाख रुपये लोहटार ता.पाचोरा येथे स्वीकारले. मात्र, नोकरी न लागल्याने वेळोवेळी पैसे मागूनही परत करण्यात आले नाही. त्यामुळे फसवणूक झाल्याची खात्री झाल्यानंतर चौधरी यांनी पाचोरा पोलिसात तक्रार दिली. यानंतर पोलिसांनी गुन्हा दाखल अक्रून घेतला. तपास पोलीस निरीक्षक राहुल खताळ यांच्या मार्गदर्शनाखाली एएसआय प्रकाश संतोष पाटील करीत आहेत.
