मुक्ताईनगर (प्रतिनिधी) लोकसभा निवडणुकीच्या पार्श्वभूमीवर मुक्ताईनगर येथील परिवर्तन चौकात नाकाबंदीमध्ये एका संशयित कारमधून २० लाख रुपये किमतीचे २७९ ग्रॅम सोन्याच्या वस्तू आढळून आले आहे.
लोकसभा निवडणुकीच्या पार्श्वभुमीवर जिल्हा पोलीस दलाच्या वतीने नाकाबंदी करण्यात आली. दरम्यान मुक्ताईनगर येथे परिवर्तन चौकात याच पद्धतीने नाकाबंदी असताना मुक्ताईनगर सहाय्यक पोलीस निरीक्षक संदीप धुमगहू, पोहेकॉ छोटू वैद्य, पोलीस नाईक प्रशांत चौधरी, प्रवीण जाधव, अभिमान पाटील यांना संशयित कार दिसली. त्यांनी कार थांबवली, त्या कारमधून त्यांनी २० लाख रुपये किमतीचे २७९ ग्रॅम वजनाचे सोन्याच्या वस्तू आढळून आल्या.
पोलिसांनी कारचालक भवरलाल जेटमल जैन (रा. जळगाव) याची विचारपूस केली असता त्याने उडवाउडवीचे उत्तर दिले. त्यानुसार पोलिसांनी कायदेशीर कारवाई करण्यासाठी कारमधील सोन्याचे दागिने जप्त केले आहे. ही कारवाई उपविभागीय पोलिस अधिकारी राजकुमार शिंदे यांच्या मार्गदर्शनाखाली मुक्ताईनगर पोलीस ठाण्याचे पोलीस निरीक्षक नागेश मोहिते, सपोनि संदीप यांच्यासह पथकाने केली आहे.
संबंधित सराफाची चौकशी केली असता त्यांच्याकडे दागिन्याच्या पावत्या आढळून आल्या नाहीत. त्यावरून फिरत्या नाकाबंदी पथकाचे प्रमुख अनिल नेरपगार यांना तत्काळ बोलवून कायदेशीर कारवाई करण्यात आली. पोलिस निरीक्षक नागेश मोहिते, सहायक पोलिस निरीक्षक संदीप दूनगहू, पोहेका छोटू वैद्य, अभिमान पाटील यांच्या पथकाने ही कारवाई केली.
