अमळनेर (प्रतिनिधी) येथील खा.शि.मंडळाच्या कार्यालयात राज्याचे गृहमंत्री ना.अनिल देशमुख व जिल्ह्याचे पालकमंत्री तथा पाणीपुरवठा मंत्री ना.गुलाबराव पाटील यांनी सदिच्छा भेट दिली. यावेळी संस्थेच्या वतीने कार्याध्यक्ष योगेश मुंदडे व कार्योपाध्यक्ष निरज अग्रवाल यांनी त्यांचे स्वागत केले.
याप्रसंगी संस्थेचे कार्याध्यक्ष योगेश मुंदडे यांनी संस्थेच्या विकासकामांबद्दल मान्यवरांना माहिती दिली.प्रताप महाविद्यालयाला व संस्थेला सर्वोतोपरी मदतीचे आश्वासन मंत्री महोदय अनिल देशमुख व गुलाबराव पाटील यांनी यावेळी दिले.संस्थेच्या कामाबद्दल त्यांनी समाधान देखील व्यक्त केले तसेच पुढील काळासाठी संस्थेला शुभेच्छा दिल्या. यावेळी अमळनेरचे आमदार अनिल भाईदास पाटील,राष्ट्रवादी जिल्हाध्यक्ष रवींद्र पाटील, खा.शि.मंडळाचे संचालक प्रदीप अग्रवाल, कल्याणबापू पाटील, हरी भिका वाणी, सचिव ए.बि.जैन तसेच इतर पदाधिकारी उपस्थित होते.
