धरणगाव (प्रतिनिधी) राज्यपाल भगतसिंग कोश्यारी यांनी औरंगाबाद येथे एका कार्यक्रमात कुळवाडी भूषण बहुजन प्रतिपालक छत्रपती शिवाजी महाराज व अखंड भारताचे महान सम्राट चंद्रगुप्त मौर्य यांचेविषयी वादग्रस्त व ऐकेरी उल्लेख केल्याने संपुर्ण देशात व राज्यात शिवप्रेमी जनतेत तीव्र संतापाची लाट तयार झाली असुन त्यांचा जागोजागी निषेध व्यक्त केला जात आहे. जामनेर शहरातही शिवप्रेमी बांधवानी निषेध सभा व प्रतिकात्मक पुतळ्याचे दहन केले.
यावेळी सर्वच राजकीय पक्ष सामाजिक संघटना यांना उपस्थितीचे आवाहन केले होते. यावेळी भारतीय जनता पक्ष वगळता राष्ट्रवादी, प्रहार जनशक्ती पक्ष, काँग्रेस, शिवसेना, बामसेफ, भारत मुक्ती मोर्चा, संभाजी ब्रिगेड मराठा सेवा संघ आदींनी आपली उपस्थिती दिली.
राजमाता जिजाऊ चौक, नगर परिषद समोर छत्रपती शिवाजी महाराज यांचा जयघोष करुन भगतसिंग कोश्यारी यांचा निषेध व्यक्त करुन राज्यांच्या जबाबदार व्यक्तीकडून अश्या प्रकारे विधान व्यक्त असेल तर त्यांना या पदावर राहण्याचा अधिकार नाही तसेच कोण छत्रपती शिवरायांचे गुरू राजमाता जिजाऊ असुन रामदास स्वामी व शिवाजी महाराज यांचा कोणताही संबंध नसून समकालीन इतिहासात त्याची कोणतीही भेट झाली नसून तसा पुरावा ही नाही, तर यावर उच्च न्यायालयाने ही समर्थ रामदास गुरु नव्हते असा निकाल दिलेला असताना राज्यपाल सारख्या व्यक्तिने असले विधान करणे चुकीचे असल्याचे उपस्थीत शिवप्रेमी यांनी निषेध व्यक्त करतांना आपल्या भावना व्यक्त केल्या, तर छत्रपती शिवाजी महाराज यांचा उल्लेख एकेरी करुन राज्यपाल यांनी आपली संस्कृती ही दाखवून दिली असा संताप व्यक्त करण्यात आला. यावेळी त्यांच्या पुतळ्याला जोडे मारून दहन करण्यात आले.
याप्रसंगी राष्ट्रवादी काँग्रेस पार्टीचे संजय गरुड, डॉ. प्रशांत पाटील, पप्पू पाटील, प्रहार जनशक्ति पक्षाचे तालुकाध्यक्ष प्रदीप गायके, विधानसभा क्षेत्रप्रमुख मनोज महाले, शेतकरी आघाडीचे अण्णा पाटील, बहुजन क्रांती मोर्चाचे जिल्हा संयोजक राजू खरे, शिवसेनेचे अतुल सोनवणे, भरत पवार, संभाजी ब्रिगेड चे राम अपार , मराठा सेवा संघाचे योगेश पाटील, सुनील कानडजे, विनोद पाटिल, जावेद मुल्लाजी, सईद मुजावर, मोहन चौधरी, संतोष झालटे, उत्तम पाटील, सचिन बोरसे, आईफज शेख, खालिद साहेब, इम्रान भाई, अनिस पहेलवान, अजमल राठोड, कैलास अपार, माधव चव्हाण, वैभव बोरसे, डॉ. बाजीराव पाटील, प्रल्हाद बोरसे, निलेश गायकवाड , रामा मगरे, विजय तायडे, दिलीप मराठे, अविनाश पाटील, सचिन बोरसे, दिपक राजपूत( गब्बर ), दिपक खाटीक, आकाश खाटीक, गोलू खाटीक, गोपाल बरकले, उदय बुंदले, भुशन बुंदले, निखिल परदेशी, शुभम चौधरी, प्रशांत साबळे, पवन सोनवणे, केतन सोनवणे , मनोज बोरसे, विलास वराळे, विकास सोनवणे, राम खाटीक, आनंद सोनवणे, संदीप पाटील, हरी मराठे, राहुल भुलाने, भूषण धनगर, गोलू बोरसे, आकाश बंडे, अविनाश बोरसे , आकाश पाटील आदी उपस्थीत होते.
निषेध आंदोलनाला भाजपाची अनुपस्थिती
निषेध आंदोलनाला भाजपाची अनुपस्थिती सर्व शिवप्रेमी बांधव यांना खटकली शिवजयंतीला छत्रपती शिवाजी महाराज यांचा मोठा देखावा करणारी भाजप जर छत्रपती शिवाजी महाराज यांच्या विषयी वादग्रस्त विधान करणाऱ्या राज्यपाल यांचा साधा निषेध करू शकत नसेल तर त्यांना छत्रपती शिवाजी महाराज यांच्यापेक्षा ते महत्वाचे आहे, हेचं यातून सिद्ध होते. विशेष म्हणजे निषेधाचा कार्यक्रम सर्वपक्षीय बॅनर खाली आयोजित होता व भाजपने उपस्थीत राहावे असे आवाहन केले होते.
