जळगाव (प्रतिनिधी) राज्याचे पाणी पुरवठा व स्वच्छता मंत्री, तथा शिवसेना नेते व जळगाव जिल्ह्याचे पालकमंत्री गुलाबराव पाटील यांनी आज रात्री वणी (जि.नाशिक) येथे सप्तश्रृंगी गडावर जावून देवीचे दर्शन घेतले, महाआरती करून आर्शिवाद घेवून मुंबईला दसऱ्या मेळाव्याला रवाना झाले आहेत. त्यांच्यासोबत मोठ्या संख्येने पदाधिकारी उपस्थित होते.
मुख्यमंत्री एकनाथ शिंदे आयोजित दसरा मेळावा मुंबईत आझाद मैदानावर होणार आहे. त्यासाठी जळगाव जिल्हयातून सुमारे ६-७ हजार कार्यकर्ते जाणार आहे. काही कार्यकर्ते आज विविध प्रकारच्या वाहनांनी रवाना झाले आहे. त्यांनीही सप्तश्रृंगी गडावर देवीचे दर्शन घेतले. ते नाशिक व गडावर आज मुक्काम करून नंतर मुंबईला जाणार आहे. तर काही कार्यकर्ते उद्या (ता.२३) जळगाववरून वाहनांनी जाणार आहे. अनेक चारचाकी वाहने, खासगी बसेस आरक्षीत करण्यात आल्याची माहिती आहे.
