भुसावळ (प्रतिनिधी) भुसावळात तब्बल ३ कंटेनर भरून गुटखा पकडल्यामुळे प्रचंड खळबळ उडाली आहे.
डीवायएसपी सोमनाथ वाघचौरे यांच्या नेतृत्वाखालील पथकाने तीन कंटेनरमध्ये भरलेला आणि तब्बल २ कोटी २७ लाख रूपयांचा गुटखा जप्त केला आहे. डीवायएसपी सोमनाथ वाघचौरे यांना गुटख्याबाबत गुप्त माहिती मिळाली होती. या अनुषंगाने त्यांनी सहकाऱ्यांचे एक पथक तयार केले. सोमनाथ वाघचौरे यांनी स्वत: भुसावळ- साकेगाव दरम्यान पाहणी केली. यावेळी साकेगावजवळील एका पेट्रोल पंपावर तीन कंटेनर उभे असलेले दिसले. यावेळी पोलिस ताफा कंटेनरकडे वळताच कंटेनरचालक पसार झाले. मात्र, एका संशयिताला पकडण्यात पोलिसांना यश आले. या तिन्ही कंटेनरमध्ये गुटखा आढळून आला आहे. दरम्यान, हा गुटखा नेमका कुणाचा याचीच चर्चा जिल्हाभर सुरू झाली आहे.
