जळगाव (प्रतिनिधी) माहेरुन मोटासायकल घेण्यासाठी पैसे आणावे यासाठी शहरातील शनिपेठ गुरुनानक नगर येथील माहेर असलेल्या विवाहितेचा शारीरिक व मानसिक छळ होत असल्याने त्रास असह्य झाल्याने पीडित महिलेने शनिपेठ पोलीस स्थानकात पतीसह सासरच्या मंडळी विरुद्ध गुन्ह्याची नोंद करण्यात आली आहे.
याबाबत वृत्त असे की, शहरातील शनिपेठ गुरुनानक नगर येथील माहेरवाशीण भारती विजय लोट (वय-२५) आणि अमळनेर मेहतर कॉलनीतील सासर असलेल्या भारती विजय लोट यांच्या तक्रारी नुसार, मोटारसायकल घेण्यासाठी माहेरुन पैसे आणावे यासाठी पती विजय सुरेश लोट यांच्याकडून सतत होणारी माहारण असह्य झाली. तसेच, सासरच्या मंडळींकडून त्यांना मारहाणीस प्रोत्साहीत करुन टोमणे मारण्यात येत होते. भारती यांच्या तक्रारीवरुन पती विजय, सासू-मंगलाबाई, सासरे-सुरेश यांच्या विरुद्ध शनिपेठ पोलीस स्थानकात गुन्ह्याची नोंद करण्यात आली आहे. पुढील तपास पोलिस नाईक रविंद्र पाटिल करीत आहेत.
