एरंडोल (प्रतिनिधी) २७ वर्षीय विवाहितेचा छळ केल्याप्रकरणी धरणगाव तालुक्यातील साळवा येथील सासरच्या मंडळींविरोधात एरंडोल पोलिसात गुन्हा दाखल करण्यात आला आहे.
सविस्तर वृत्त असे कि , धरणगाव तालुक्यातील साळवा येथील २७ वर्षीय विवाहिता सुनीता दीपक कोळी ह्यांचा विवाह साळवा येथील दीपक सुभाष कोळी यांच्याशी झाला आहे. सासरच्या लोकांनी शेतीच्या कामासाठी टॅक्टर घेण्यासाठी माहेरून पैसे आणावे, यासाठी विवाहितेच्या २०१३ पासून ते २०२२ पर्यंत वेळोवेळी शिवीगाळ करीत मारहाण करून छळ करण्यात येत होता. या प्रकरणी विवाहितेने एरंडोल पोलिसात सासरचे मंडळी दीपक कोळी, सुभाष कोळी, मंगला बाविस्कर, आशा शरद सपकाळे यांच्या विरोधात गुन्हा दाखल केला आहे. पुढील तपास पोहेकॉ राजेश पाटील हे करीत आहेत.
