जळगाव (प्रतिनिधी) शेती करण्यासाठी सासरवाडीला गेलेल्या अनिल डेविड फिलीप (वय ४०, रा. आनंदमित्र सोसायटी, पिंप्राळा) यांचे बंद घर फोडून चोरट्यांनी ४१ हजारांची रोकड चोरुन नेली. ही घटना दि. १५ ते दि. १७ रोजी दरम्यान, घडली. याप्रकरणी रामानंद नगर पोलिसात गुन्हा दाखल करण्यात आला आहे.
शहरातील पिंप्राळा परिसरातील आनंदमित्र सोसायटीमध्ये अनिल डेविड फिलीप (वय ४०) हे वास्तव्यास असून ते खासगी नोकरी करतात. दि. २८ मार्च रोजी दपारच्या समारास देव दर्शनासाठी भुवनेश्वर ओडीसा येथे गेले होते. त्यानंतर दि. १२ मे रोजी ते परत आले आले. त्यानंतर दि. १५ मे रोजी सायंकाळी ते चोपडा तालुक्यातील अडावद येथे शेती करण्यासाठी सासरी गेले होते. त्यानंतर दि. १७ रोजी ते परत आले असता त्यांना घराचा कुलूप तुटलेले दिसून आले. त्यांनी घरात जावून पाहणी केली असता. त्यांना घरातील सामान अस्ताव्यस्त पडलेला होता.
कपाटाच्या लॉकरमधून चोरुन नेली रोकड
चोरट्यांनी अनिल फिलीप यांच्या घरातील कपाटात असलेल्या लॉकरमधून ४० हजार रुपयांची रोकड आणि रेनकोट असा एकूण ४१ हजारांचा मुद्देमाल चोरुन नेला. दरम्यान, पंधरा दिवसानंतर अनिल फिलीप यांनी रामानंद नगर पोलिसात तक्रार दिली. त्यानुसार अज्ञात चोरट्यांविरुद्ध गुन्हा दाखल करण्यात आला आहे. तपास पोहेकॉ जितेंद्र राजपूत हे करीत आहे.
