राशिभविष्य, शनिवार २६ मार्च २०२२ : आज फाल्गुन कृष्ण नवमी. आज चंद्र धनु राशीतून भ्रमण करेल. जाणून घ्या कसा जाईल तुमचा आजचा दिवस.
मेष :-
संथ आणि साधा दिवस. मन शांत राहिल. भाग्य चंद्र आहे. ईश्वरी उपासना बळ आणि यश देईल. आर्थिक स्थिती ठिक राहिल. कार्यक्षेत्रात विशेष लक्ष द्यावं लागेल. दिवस चांगला.
वृषभ :-
आज चंद्र धनु राशीतून भ्रमण करत आहे. मन थोडे निराश होण्याचे संकेत आहेत. काळजी घ्या. मंगळ शनी धार्मिक आस्था वाढेल असं सुचवत आहेत. दिवस बरा आहे.
मिथुन :-
आज शरीर शिथील वाटेल. जास्त दगदग टाळा. नको असलेली काम गळ्यात येतील. मानसिक ताण येईल. आर्थिक बाजू सांभाळा. दिवस मध्यम.
कर्क :-
आज भक्तिमय वातावरणात दिवस मंगलमय होईल. वाचन मनन कराल. संततीसुख मिळेल. धार्मिक कार्यक्रम किंवा पूजेत सहभागी व्हाल. दिवस उत्तम.
सिंह :-
आज तुमच्यापुढे कामाचा डोंगर असेल. जास्त ताण न घेता आलेली जबाबदारी पार पाडाल. पितृ सुख मिळेल. दिवस आनंदात पर पडेल.
कन्या :-
तुमच्यापुढे आज प्रवास, भेटीगाठी कार्यक्रमात सहभाग असे भरपूर पर्याय असतील. भाग्य साथ देईल. तुम्ही योग्य निर्णय घ्याल. भावंडं भेट होईल. दिवस आनंदी आहे.
तूळ :-
आज दिवस चंद्र आणि राहूमुळे त्रासदायक आहे. घरात तंग वातावरण राहिल. प्रकृतीदेखील जरा नरम गरम राहिल. दिवस मध्यम आहे.
वृश्चिक :-
आज राशीच्या द्वितीय स्थानात चंद्र तणावमुक्त करेल. धार्मिक कार्यात मन गुंतून राहिल. आर्थिक लाभ होतील. वैवाहिक सुख मिळेल. दिवस चांगला आहे.
धनु :-
आज राशीतील चंद्र आर्थिक आणि शारीरिक ताण देईल. जपून रहा.राशीच्या द्वितीयात मंगळ, शनी आहे. क्लेश होतील. दिवस उपासनेत घालवा.
मकर :-
आज दिवस त्रासदायक असून तुमच्यासाठी अनेक कटकटी घेऊन येईल. राशीतील शनी मंगळ प्रवास योग आणेल. आईवडिलांची भेट होईल. आर्थिक बाजू सांभाळून राहा. दिवस उत्तम.
कुंभ :-
आज दिवस कार्यक्षेत्रात काही विशेष घडामोडींचा आहे. यश मिळेल. आर्थिक लाभ होतील. दूरचे प्रवास योग येतील. दिवस उत्तम.
मीन :-
आज भाग्यदायक आणि आनंदी दिवस आहे. सगळीकडून सुसंधी, लाभ, प्रवास, भेटीगाठी यात दिवस आनंदात निघून जाईल.
