नवी दिल्ली (वृत्तसंस्था) केंद्रीय आरोग्य मंत्रालयानं दिलेल्या माहितीनुसार देशात कोरोना रुग्णांची संख्या ८७ लाख पार गेली आहे. तर दुसरीकडे कोरोनावर लस शोधण्याचं कामही वेगात सुरु आहे. त्याचाच भाग म्हणून सध्या कोरोना लसीची मानवी चाचणी सुरु आहे. यावेळी एका स्वयंसेवकाने मॉडर्ना लसीचा अनुभव सांगितला आहे.
देशात आता अनलॉकची प्रक्रिया सुरु केल्यानंतर सर्व गोष्टी उघडण्यास सुरुवात झाली आहे. मात्र, दुसरीकडे कोरोनाबाधित रुग्णांची संख्याही वाढताना पाहायला मिळत आहे. मॉडर्ना लसीच्या चाचणीमध्ये सहभागी नॉर्थ कॅरोलिनाच्या विद्यापीठात शिक्षण घेणाऱ्या एका स्वयंसेवकाने आपला अनुभव सांगितला आहे. चाचणीदरम्यान त्याला अनेक साईड इफेक्ट्स पाहायला मिळाल्याचं त्याने सांगितलं. चाचणीदरम्यान पहिले इंजेक्शन घेतल्यानतंर त्याला ताप आणि वेदनेचा सामना करावा लागला. मात्र, चाचणी पूर्ण झाल्यानंतर ही लस घ्यायला हवी असं या विद्यार्थ्यानं आवर्जुन सांगितलं आहे. जगाची आकडेवारी पाहिली तर जॉन हॉफकिन्स विद्यापीठाच्या आकडेवारीनुसार जगभरात कोरोनारुग्णांची संख्या ५ कोटी ४३ लाख ११ हजार ८१३ वर जाऊन पोहोचली आहे. तर जगात आतापर्यंत १३ लाख १७ हजार ३९७ जणांचा कोरोनामुळं मृत्यू झाला आहे. कोरोनाची पार्श्वभूमी तसेच प्रदूषणाचा विचार करुन या वर्षीची दिवाळी फटाके न फोडता साजरी करण्याकडे नागरिकांचा कल दिसतोय. देशातील तरुणांकडून डिजीटल दीपावली साजरी करण्याचे आवाहन केले जात आहे.
