वरणगाव (प्रतिनिधी) इंन्स्टाग्राम अकाउंटवर एका धर्मियाच्या भावना दुखावतील, असा अपमानकारक स्टेट्स ठेवून धार्मिक श्रध्दा व भावना दुखावल्या प्रकरणी वरणगाव पोलीस स्थानकात कुंदन संजय शिंदे (वय २० रा. फुलगाव ता. भुसावळ) याच्याविरुद्ध गुन्हा दाखल करण्यात आला आहे.
मुस्तफा शहा शकील (वय २१ रा. प्रतिभा नगर वरणगाव) यांनी दिलेल्या फिर्यादीनुसार, दि. १० जून २०२२ रोजी कुंदन संजय शिंदे (वय २० रा. फुलगाव ता. भुसावळ) याने त्याच्या मोबाईल मधील kundxn_१०८ या इंन्स्टाग्राम अकाउंटवरुन छापील पोस्टचे अपमानकारक स्टेट्स ठेऊन धार्मिक भावना दुखावल्या आहे. याप्रकरणी वरणगाव पोलीस स्थानकात कुंदन संजय शिंदे याच्याविरुद्ध गुन्हा दाखल करण्यात आला असून आरोपीला अटक करण्यात आली आहे. तसेच पुढील तपास पोलीस उपनिरीक्षक परशुराम दळवी हे करीत आहेत.
