मुंबई (वृत्तसंस्था) केंद्रीय मंत्री नारायण राणे यांच्याविरोधात निघालेल्या अटकेच्या आदेशांनंतर राणे समर्थक कमालीचे आक्रमक झाले आहेत. माजी खासदार निलेश राणे यांनी तर शिवसेनेला थेट आव्हान दिले असून खऱ्या आईचं दूध प्यायलं असाल तर समोर या आणि दोन हात करा, तुमची औकात दाखवून देऊ, असं ट्वीट केलं आहे.
नारायण राणेंच्या वक्तव्याविरोधात मध्यरात्री दादरमध्ये पोस्टरबाजी करण्यात आली. शिवसेनेचे नगरसेवक अमेट घोले यांनी दादर टीटी परिसरात एक पोस्टर लावलं आहे. या पोस्टरवर कोंबडी चोर असं लिहिलेलं आहे. यावर निलेश राणेंनी जोरदार प्रत्युत्तर दिलं आहे. निलेश राणेंनी एक ट्वीट केलं आहे. ते ट्वीटमध्ये म्हणतात. कुठेतरी बॅनर लावा आणि मिडीयावर हात छाटण्याची वार्ता करुन शिवसेनेला वाटत असेल की आम्हाला फरक पडतो तर त्यांनी लक्षात घ्यावं आम्हाला काहीभर फरक पडत नाही. खऱ्या आईचं दूध प्यायलं असाल तर समोर या आणि दोन हात करा, तुमची औकात दाखवून देऊ, असं ट्वीट निलेश राणेंनी केलं आहे.
