धरणगाव (प्रतिनिधी) स्वच्छ सर्वेक्षण २०२१ व माझी वसुंधरा अभियानांतर्गत धरणगाव नगर परिषदेने विविध गटातील विद्यार्थी तसेच इच्छुक नागरिकांसाठी जल संवर्धन, माझी वसुंधरा, स्वच्छ शहर हरीत शहर तसेच घनकचरा व्यवस्थापन व प्लास्टिक बंदी या विषयांवर चित्रकला स्पर्धा आयोजित केली होती. या स्पर्धेला विविध वयोगटामधून उत्स्फूर्त प्रतिसाद मिळाला आहे.
चित्रकला स्पर्धेतील प्रत्येक विषयाकडे बघण्याचा मुलांचा दृष्टिकोन फार वेगळे असतात आणि विचारांमधली स्वयंस्पष्टता त्यांनी काढलेल्या चित्रातून दिसून आली. चित्रकला स्पर्धेसाठी विविध वयोगटामधून २५० नोंदी धरणगाव शहरातूनच नाहीतर आजूबाजूच्या गावांमधून पण आल्या आहेत. ह्या उत्स्फूर्त प्रतिसादातून मुलांमध्ये पर्यावरण संरक्षण व वसुंधरेबद्दल किती जागरूकता आहे हे प्रकर्षाने जाणवून येते. या स्पर्धेमध्ये सहभागी झालेल्या सर्व स्पर्धकांचे चित्रांचे प्रदर्शन दिनांक २७ जानेवारी २०२१ रोजी धरणगाव नगरपालिकेच्या आवारात भरविण्यात आले. सदरचे प्रदर्शन सर्वांसाठी पाहण्यास खुले ठेवण्यात आलेले आहे. दरम्यान सकाळी ११ वाजता शासकीय समन्वय समिती अध्यक्ष गुलाबराव वाघ यांचे हस्ते वटवृक्षा ला पाणी देवून चित्रकला प्रदर्शनाचे उद्घाटन करण्यात आले. यावेळी लोकनियुक्त नगराध्यक्ष निलेश सुरेश चौधरी, जयपाल हिरे पोलीस निरीक्षक, प्रथमेश मोहोळ नायब तहसीलदार, सुरेश नाना चौधरी, राजेंद्र महाजन, कल्पना विलास महाजन, भानुदास विसावे, पप्पू भावे, वासुदेव चौधरी,भगवान महाजन, सुरेखा विजय महाजन, उज्वला नाना साळुंखे, मंदा जितेंद्र धनगर यांच्या सह सर्व नगरसेवक नगरसेविका उपस्थित होते.
माझी वसुंधरा अभियान आणि स्वच्छ सर्वेक्षण २०२१ अंतर्गत शहरात विविध उपक्रम राबवून जनजागृती करण्यात येत आहे. त्याचा परिणाम म्हणून नगरपालिका राबवत असलेल्या उपक्रमंमधे नागरिकांचा सक्रिय सहभाग वाढत आहे हे या स्पर्धेच्या माध्यमातून दिसून आले. असेच सहकार्य नागरिकांनी भविष्यात ठेवावे जेणेकरून धरणगाव शहरास या अभियानामध्ये चांगले मानांकन मिळवता येईल.असे आवाहन मुख्याधिकारी जनार्दन पवार यांनी केले.
कार्यक्रम यशस्वीतेसाठी साठी कार्यालय अधीक्षक संजय मिसर यांचे मार्गदर्शनाखाली प्रणव पाटील, निलेश वाणी, तुषार सोनार, शमशोद्दीन शेख, पूनित चौधरी, मुजम्मिल शेख, प्रशांत चौधरी, राजेंद्र शिंदे, सुरेश चौधरी, युवराज चौधरी, अजय सोनवणे, विजय सोनवणे, रविकांत वाघमारे तसेच सर्व कार्यालयीन तसेच सफाई कर्मचारी यांनी परिश्रम घेतले.
