मुंबई (वृत्तसंस्था) महाराष्ट्र राज्य माध्यमिक आणि उच्च माध्यमिक शिक्षण मंडळाच्या वतीने घेण्यात येणाऱ्या 10 वी, 12 वी परिक्षांचे वेळापत्रक (SSC,HSC Exam Timetable)जाहीर करण्यात आले आहे. बारावीच्या परीक्षा 21 फेब्रुवारी ते 21 मार्च आणि दहावीच्या लेखी परीक्षा 2 ते 25 मार्च या कालावधीत होणार आहेत.
१० वी आणि १२ वीच्या विद्यार्थ्यांसाठी घेण्यात येणाऱ्या मुख्य परिक्षेच्या तारखा महाराष्ट्र राज्य माध्यमिक तसेच उच्च माध्यमिक शिक्षण मंडळाच्या वतीने जाहीर करण्यात आल्या आहेत. यामध्ये इयत्ता दहावीची परीक्षा गुरुवार 2 मार्च 2023 पासून सुरू होणार आहे. तर 25 मार्च 2023 पर्यंत सुरू राहणार आहे. तर बारावीची परिक्षा मंगळवार 21 फेब्रुवारी 2023 पासून ते 21 मार्च 2023 या कालावधीत होणार आहे. विद्यार्थ्यांच्या माहितीसाठी शिक्षण मंडळाने अधिकृत संकेतस्थळेही जाहीर केली आहेत. शाळा आणि कनिष्ठ महाविद्यालयांना तारखा विद्यार्थ्यांना कळवण्यात आल्या आहेत. दहावीसाठी विभागात पाच जिल्ह्यांत साडेसहाशेपेक्षा अधिक, तर बारावीचे पावणेचारशेपर्यंत परीक्षा केंद्र संख्या असतील असे सांगण्यात येते. जिल्हानिहाय बैठकांमधून परीक्षा केंद्रांचा पुन्हा आढावा घेतला जाणार आहे.
