जिल्हास्तरीय युवा उत्सवात : सहभागी होण्यासाठी ऑनलाईन अर्ज करण्याचे आवाहन

जळगाव (जिमाका वृत्तसेवा) : स्वातंत्र्य संग्रामातील देशभक्तीची भावना व मुल्ये पुन्हा जागृत करणे, राष्ट्रभक्ती, समता, बंधुत्वाची भावना वृंध्दीगत करणे आणि तरुण युवा कलावंतांना व्यासपीठ निर्माण करुन देण्याच्या उद्देशाने नेहरु युवा केंद्र जळगाव व जिल्हा प्रशासन जळगाव व्दारा जिल्हास्तरीय युवा उत्सवाचे आयोजन करण्यात आलेले आहे. तरी या जिल्हास्तरीय युवा उत्सवात सहभागी होण्यासाठी इच्छुकांनी २९ सप्टेंबर पर्यंत या लिंकवर https://forms.gle/289521GyugghSDk99 ऑनलाईन अर्ज सादर करावा.

या उत्सवात चित्रकला कार्यशाळा व स्पर्धा, कविता लेखन कार्यशाळा व स्पर्धा, छायाचित्र कार्यशाळा व स्पर्धा, जिल्हास्तरीय भाषण स्पर्धा, सांस्कृतिक कार्यक्रम आणि जिल्हा युवा संमेलन- “भारत @ 2047 युवा संवाद” इत्यादी कार्यक्रमाचे आयोजन केले आहे. या स्पर्धेत सहभागी होण्याकरीता पात्रता 1) स्पर्धक हा जळगाव जिल्हयातील रहिवासी असावा. 2) वय : दि. 01/04/2022 रोजी 15 ते 29 पर्यंत. 3)एका व्यक्तीला एकाच स्पर्धेत सहभागी होता येईल. तसेच विजेत्यांना रोख बक्षीस, स्मृतीचिन्ह व स्पर्धेतील सर्व सहभागींना प्रमाणपत्र देण्यात येणार आहे.

बक्षीस : 1) चित्रकला, 2) कविता लेखन व 3) छायाचित्र कार्यशाळा व स्पर्धा: ( सहभागी संख्या – प्रत्येकी 30 ) प्रथम रु. 1000/-, व्दितीय रु.750/- तृतीय रु.500/- स्मृतीचिन्ह व प्रमाणपत्र 4) जिल्हास्तरीय भाषण स्पर्धा : सहभागी संख्या 10 प्रथम रु.5000/-, व्दितीय रु.2000/- तृतीय रु.1000/- स्मृतीचिन्ह व प्रमाणपत्र 5) जिल्हास्तरीय सांस्कृतिक कार्यक्रम (समूहाकरीता) : सहभागी संच 10 – एका ग्रमप मध्ये कमीत कमी 5 जास्तीत जास्त 20 स्पर्धक ( समूहनृत्य) : प्रथम रु. 5000/-,व्दितीय रु.2500/-तृतीय रु.1250/- स्मृतीचिन्ह व प्रमाणपत्र 6) जिल्हास्तरीय युवा सम्मेलन- “भारत @ 2047 युवा संवाद” सहभागी संख्या 100 या कार्यक्रमामधील सहभागी युवकांमधून विषयाची मांडणी, वक्तृत्व शैली या आधारावर 4 चार युवकांची परिक्षकांव्दारा निवड करुन त्यांना प्रत्येकी 1500/- रुपये बक्षीस देण्यात येणार आहे.

अधिक माहिती साठी नेहरु युवा केंद्र गट नं. 40, प्लॉट नं. 60, द्रौपदी नगर, जळगाव, 425001 फोन नं. 0257-2951754 ईमेल : qnykjalgaon@gmail.com कार्यालयाला संपर्क साधावा. जिल्हातील तरुण युवा कलावंतांनी या कार्यक्रमात सहभागी व्हावेत असे आवाहन नरेंद्र डागर, जिल्हा युवा अधिकारी, नेहरु युवा केंद्र जळगाव यांनी केले आहे.