जळगाव (प्रतिनिधी) शहरातील हरिविठ्ठलनगरात भररस्त्यावर शनिवारी रात्री ९ वाजेच्या सुमारास रिक्षाचालक युवकाचा कोयता मारून खून करण्यात आला आहे. या घटनेनंतर परिसरात प्रचंड खळबळ उडाली आहे. दिनेश काशिनाथ भोई (वय २८, रा. हरिविठ्ठलनगर) असे मृत युवकाचे नाव आहे.
या संदर्भात अधिक असे की, शनिवारी रात्री ८.३० वाजता गणपती मंदिरासमोर एकाने दिनेश भोईच्या डोक्यात कोयत्याने वार केला. त्यामुळे तो रक्ताच्या थारोळ्यात पडला होता. भावाने व मित्रांनी त्याला रिक्षात टाकून जीएमसीत आणले. मात्र, डॉक्टरांनी त्याला मृत घोषित केले. भर रस्त्यावर खून झाल्याने हरिविठ्ठलनगरात प्रचंड खळबळ उडाली होती. दिनेश याचा हरिविठ्ठलनगरातील एका व्यक्तीसोबत वाद झाला होता. याच जुन्या वादातून हा खून झाल्याची चर्चा आहे. दिनेशच्या पश्चात मोठा भाऊ, आई असा परिवार आहे. पोलिसांनी विठ्ठल हटकर नावाच्या संशयिताला ताब्यात घेतले होते. याप्रकरणी रात्री उशिरापर्यंत रामानंदनगर पोलिस ठाण्यात गुन्हा दाखल करण्याचे काम सुरू होते.
