जळगाव (प्रतिनिधी) पोलिस असल्याची थाप मारत भामट्यांनी वयोवृद्धेच्या हातातील ५० हजार रुपये किंमतीच्या सोन्याच्या बांगड्या लांबवल्या. हा प्रकार आकाशवाणी ते गोधवाडीवाला अपार्टमेंट दरम्यान, शुक्रवार २९ रोजी दुपारी साडेबारा वाजेच्या सुमारास घडला. याप्रकरणी अनोळखी दोघांविरोधात जिल्हापेठ पोलिसात गुन्हा दाखल करण्यात आला.
पुष्पाबाई लालचंद बखतवाणी (वय-७५) या वास्तव्यास आहे. शुक्रवारी २९ डिसेंबर रोजी दुपारी साडेबारावाजेच्या सुमारास आकाशवाणी ते गोधवाडीवाला अपार्टमेंट दरम्यान दोन अनोळखी इसम आले. त्यांनी आपण पोलिस असल्याचे भासवून त्यांनी वृद्धमहिलेला बोलवण्यात गुंतवून ठेवले. त्यानंतर वृद्धेच्या हातातील सोन्याच्या बांगड्या काढण्यास सांगत हातचलाखीने त्यांच्याकडील २ सोन्याच्या बांगड्या वृद्धेकडे देत धूम ठोकली. काही वेळेनंतर वृद्धेला आपली फसवणूक झाल्याचे लक्षात आल्याने वयोवृद्धेने पोलिसात धाव घेतली. त्यांनी दिलेल्या तक्रारीवरुन जिल्हापेठ पोलिसात गुन्हा दाखल करण्यात आला आहे. पुढील तपास महिला हवालदार वंदना राठोड करीत आहेत.
