जळगाव (प्रतिनिधी) प्रशासनाकडून लसीचे दोन्ही डोस घेतलेल्यांनाच पेट्रोल देण्याचा निर्णय घेण्यात आला आहे. लसीकरण प्रमाणपत्र असणाऱ्या नागरिकांनाच पेट्रोल भरणा करून द्यावा, अशा सूचना उपायुक्त शाम गोसावी यांच्याकडून शहरातील सर्व पेट्रोलपंप चालकांना देण्यात आल्या आहेत.
जळगाव शहरात केवळ ५० टक्के नागरिकांचेच लसीचे दोन्ही डोस झालेले आहेत. त्यामुळे उर्वरित नागरिकांचे लवकरात लवकर लसीकरण व्हावे, यासाठी देखील मनपा प्रशासनाने आता पाऊले उचलली आहेत. दोन्ही डोस घेतलेल्यांनाच पेट्रोल जळगाव शहरातील केवळ ५० टक्के नागरिकांचे दोन्ही डोस लसीकरण झाले आहे. त्यामुळे कोविड-१९ ओमिक्रोन विषाणूचा प्रसार रोखण्यासाठी लसीकरण त्वरित करून घेणे अनिवार्य आहे. त्याअनुषंगाने पेट्रोल पंपावर येणाऱ्या सर्व ग्राहकांची प्रवेश करण्यापूर्वी लसीकरणाचे दोन्ही डोसचे प्रमाणपत्र तपासणी करावी. प्रमाणपत्र तपासणी करण्यासाठी तसेच अंमलबजावणी होण्यासाठी स्वतंत्र कर्मचाऱ्याची नेमणूक करावी. लसीकरण प्रमाणपत्र असणाऱ्या नागरिकांनाच पेट्रोल भरणा करून द्यावा, अशा सूचना उपायुक्त शाम गोसावी यांच्याकडून शहरातील सर्व पेट्रोलपंप चालकांना देण्यात आल्या आहेत. आदेशाची अंमलबजावणी तपासणीसाठी मनपाकडून स्वतंत्र पथक नेमण्यात आले आहेत. आदेशाचे उल्लंघन केल्यास आपत्ती व्यवस्थापन कायदा २००५ अन्वये ५० हजार रुपये दंडाची कारवाई करण्यात येईल, असा इशाराही मनपा प्रशासनाकडून देण्यात आला आहे.
