जळगाव (प्रतिनिधी) पिंप्राळा गेटवरील रेल्वे उड्डाणपुलाचे लोकार्पण सोहळ्यात कोनशिलेसह कार्यक्रम पत्रिकेवर मंत्री गिरीष महाजन यांचे नाव नसल्याने भाजपा कार्यकर्त्यांसह पदाधिकाऱ्यांमध्ये नाराजीचा सुर उमटला होता. यानंतर आता मंत्री महांजनाचे नाव नसलेली कोनशिला फोडण्यात आल्याने खळबळ उडाली आहे.
पिंप्राळा गेटवरील रेल्वे उड्डाणपुलाचे लोकार्पण व कोनशिला अनावरणाचा कार्यक्रम काल पालकमंत्री गुलाबराव पाटील व मंत्री गिरीष महाजन यांच्या उपस्थितीत पार पडला होता. या कोनशिलेवर खडसेंचे नाव होते तर दोन्ही ठीकाणी नाव वगळण्यात आल्याने भाजपासह मंत्री गिरीष महाजन यांच्या समर्थकांमध्ये कार्यक्रमस्थळी संतप्त प्रतिक्रीया पहावयास मिळाल्या होत्या. मंत्री महाजनांसह मंत्री अनिल पाटलांचे नाव खडसेंचे दोन्ही ठिकाणी नाव आल्याने कार्यकत्यांसह समर्थकांचा तीडपापळ झाला होता. प्रोटोकॉल पाळण्यात आला नसल्याने पालकमंत्र्यांनी देखील नाराजी व्यक्त केली होती.
उदघाटनाच्या दुसऱ्याच दिवशी दि.१८ रोजी उड्डाणपुलाच्या लोकार्पणाची कोनशिला फोडल्याचे पहावयास मिळाले आहे. दुपारी चार वाजेच्या सुमारास अज्ञातांनी कोनशिलेचा खालचा भाग फोडला आहे. विशेष म्हणजे ज्या ठिकाणी आमदार एकनाथराव खडसे यांचे नाव होते, तो संपूर्ण भाग तोडण्यात आला आहे. दरम्यान, कोनशिला कुणी फोडली?, याबाबत मात्र कुणीही बोलण्यास तयार नव्हते.
