नवी दिल्ली (वृत्तसंस्था) देशातील कोरोनाच्या रुग्णसंख्येत घट होत असताना पुन्हा रुग्णसंख्या वाढू लागली आहे. गेल्या २४ तासांत देशातील रुग्णसंख्येत ३४ हजार ४०३ इतकी भर पडली आहे आणि २८१ लोकांचा मृत्यू झाला आहे. गेल्या २४ तासात ३३ हजार ७९८ जण कोरोनामुक्त झाले आहेत.
केंद्रीय आरोग्य मंत्रालयाच्या ताज्या आकडेवारीनुसार, देशात गेल्या २४ तासांत ३४ हजार ४०३ रुग्ण आढळल्यानंतर आज रुग्णसंख्या ३५ हजारांवर गेली आहे. गेल्या २४ तासांत देशात ३५ हजार ६६२ कोरोनाबाधित आढळले असून ३३ हजार ७९८ रुग्णांनी कोरोनावर मात केली आहे. तसेच २८१ जणांच्या मृत्यची नोंद करण्यात आली आहे. देशात सध्या ३ लाख ४० हजार ६३९ सक्रिय रुग्णांवर उपचार सुरू आहेत. देशात नव्या बाधितांसह एकूण रुग्णसंख्या ३ कोटी ३४ लाख १७ हजार ३९० झाली आहे. देशाचा रिकव्हरी रेट ९७.६५ टक्क्यांवर आहे. तसेच आतापर्यंत ३ कोटी २६ लाख ३२ हजार २२२ बाधितांनी कोरोनातून बरे झाले आहेत. देशभरात कोरोनामुळे आतापर्यंत ४ लाख ४४ हजार ५२९ जणांना जीव गमवावा लागला आहे. देशाचा विकली पॉझिटीव्हीटी रेट २.२ टक्क्यांवर असून हा दर गेल्या ८५ दिवसांपासून तीन टक्क्यांपेक्षा कमी आहे. तर डेली पॉझिटिव्हीटी रेट २.४६ टक्क्यांवर असून हा दर १९ दिवसांपासून तीन टक्क्यांच्या खाली आहे. दरम्यान, देशभरात काल विक्रमी लसीकरणाची नोंद करण्यात आली आहे. दिवसभरात अडीच कोटी लोकांना कोरोना लस देण्यात आली आहे.
राज्यातील स्थिती
राज्यात काल ३,५८६ नवीन कोरोनाबाधित रुग्णांची नोंद झाली आहे. तर ४ हजार ४१० रुग्ण कोरोनामुक्त झाले आहे. राज्यात आतापर्यंत ६३ लाख २४ हजार ७२० रुग्णांनी कोरोनावर मात केली आहे. त्यामुळे राज्यातील रुग्ण बरे होण्याचे प्रमाण ९७.०८ टक्के आहे. राज्यात काल ६७ रुग्णांच्या मृत्यूची नोंद झाली आहे. त्यामुळे राज्याचा मृत्यूदर २.१२ टक्के झाला आहे.
