पाचोरा (प्रतिनिधी) तालुक्यातील लोहटार येथील एका वृद्ध दाम्पत्याने पोलिसांना फोन केल्यानंतर विषारी औषध प्राशन करून आपली जीवनयात्रा संपविल्याची हृदय पिळवटून टाकणारी घटना नुकतीच घडली आहे. मयत वृद्ध दाम्पत्यांची तालुक्यातिल लोहटार येथून एकाच वेळी अंत्ययात्रा काढण्यात आल्यानंतर समाजमन सुन्न झाले आहे.
लोहटार ता. पाचोरा येथील एस. टी. महामंडळातील सेवानिवृत्त कर्मचारी ईश्वर नामदेव पाटील (वय ७८) यांना सुरुवाती पासूनच अध्यात्माची आवड होती. महामंडळातुन सेवानिवृत्त झाल्यानंतर ईश्वर पाटील व त्यांच्या पत्नी प्रमिलाबाई ईश्वर पाटील (वय ७२) हे नियमित देवपूजा करुन अध्यात्मिक मार्गावर जीवन जगत होते. ७ जुलै रोजी रात्री सर्व कुटुंबियांनी सोबत जेवण केले. त्यानंतर सर्व झोपले. यानंतर ईश्वर पाटील यांनी ८ जुलै रोजी पहाटे ४ वाजेच्या सुमारास स्टेशनला फोन करून मी व माझी पत्नी या संसाराला कंटाळून आत्महत्या करीत आहेत. आमच्या आत्महत्येस कोणासही कारणीभूत धरु नये, असे सांगितले. यानंतर पोलिसांनी तात्काळ लोहटार गाठले. परंतू तोपर्यंत ईश्वर पाटील व प्रमिलाबाई पाटील यांनी विषारी औषध केलेले होते.
वृद्ध दाम्पत्याला तात्काळ पाचोरा येथील खाजगी रुग्णालयात दाखल करण्यात आले. रुग्णालयातील डॉक्टरांच्या अथक प्रयत्नानंतर देखील वृद्ध दाम्पत्यास वाचविण्यास यश आले नाही. उपचार सुरू असतांना १० जुलै रोजी पहाटे पावणे दोन वाजेच्या सुमारास प्रमिलाबाई पाटील यांची प्राणज्योत मालवली. तर सकाळी ८ वाजेच्या सुमारास ईश्वर पाटील यांनी देखील जगाचा निरोप घेतला. या प्रकरणी पाचोरा पोलिस स्टेशनमध्ये अकस्मात मृत्यूची नोंद करण्यात आली असून पुढील तपास पोलिस निरीक्षक राहुल खताळ यांच्या मार्गदर्शनाखाली पोलिस हेड कॉन्स्टेबल प्रकाश पाटील हे करीत आहेत. दोघांवर अतिशय शोकाकुल वातावरणात दांम्पत्यावर अंत्यसंस्कार करण्यात आले.
आम्ही स्वखुशीने आत्महत्या करत असल्याची सापडली चिठ्ठी !
आम्ही स्वखुशीने आत्महत्या करत असल्याची सापडली चिठ्ठी ईश्वर पाटील व प्रमिलाबाई पाटील या दाम्पत्यास दोन मुले एक मुलगी, सुना, नातवंडे असा परिवार आहे. ७ जुलै रोजी रात्री सर्व कुटुंबियांनी सोबत जेवण केले. सर्व काही सुरळीत होते. मात्र पहाटेच्या सुमारास अचानक ईश्वर पाटील व प्रमिलाबाई पाटील हे दाम्पत्य बेशुद्ध अवस्थेत आढळून आले. ईश्वर पाटील व प्रमिलाबाई पाटील यांनी विषारी औषध प्राशन केल्याचे निष्पन्न झाले. त्यांचे जवळ एक चिठ्ठी आढळून आली असून त्या चिठ्ठीत आम्ही दोघेही जीवनास कंटाळून स्वखुशीने आत्महत् करीत आहेत. आमच्या मृत्युस कोणासही कारणीभूत धरु नये. अशा आशयाची चिठ्ठी पोलिसांना सापडली आहे. या घटनेमुळे समाजमन सुन्न झाले असुन सर्वत्र हळहळ व्यक्त होत आहे. दरम्यान, सर्व काही सुरळीत असताना दांपत्याने एवढ्या टोकाचा निर्णय का घेतला असा प्रश्न सर्वांना पडला आहे.
एकाच वेळी निघाली वृद्ध दाम्पत्याची अंत्ययात्रा !
ईश्वर नामदेव पाटील व त्यांच्या पत्नी प्रमिलाबाई ईश्वर पाटील यांनी एकाच वेळी विषारी औषध प्राशन करून आपली जीवनयात्रा संपविल्याची हृदय पिळवटून टाकणारी घटना १० जुलै रोजी उघडकीस आली. एक दिवस वृद्ध दाम्पत्यांनी पाचोरा येथील खाजगी रुग्णालयात मृत्यूशी झुंज दिली. मात्र १० जुलै रोजी आधी प्रमिलाबाई पाटील व अवघ्या ६ तासांच्या अंतराने ईश्वर पाटील यांनी जगाचा निरोप घेतला. अतिशय जड अंतःकरणाने वृद्ध दाम्पत्यांची लोहटार गावातुन एकाच वेळी अंत्ययात्रा काढण्यात आल्याने अनेकांची डोळे पाणावले होते.
