जळगाव (प्रतिनिधी) रावेर येथील व्यापाऱ्याची स्टील मटेरीयल पुरविण्याच्या नावाखाली तब्बल १६ लाख २७ हजार ८०० रुपयात फसवणूक झाल्याचा प्रकार उघडकीस आलाय. या प्रकरणी जळगावच्या सायबर पोलिसात दोघांविरुद्ध फसवणुकीचा गुन्हा दाखल करण्यात आला आहे. (Jalgaon Cyber Police)
या संदर्भात अधिक असे की, दि. १९ नोव्हेंबर २०२२ रोजी मोहनलाल देवजी पटेल (रा. गजानन नगर, रावेर) यांचा मुलगा भावेश यांच्या मोबाईल नंबरवर ७७३८७७१८६१ या नंबरवरून करण रांका नाव सांगणाऱ्या इसमाने त्याची स्वता:ची ISO TOPS INDIA METAL TRADERS नावाची कंपणी असुन आपणाला बांधकामास लागणारे स्टील मटेरीयल पाठवितो, असे सांगितले. तसेच त्याची बनावट वेबसाईट- www.isotopsindiametal.com तयार करुन मोहनलाल पटेल यांचा विश्वास संपादन केला. तसेच त्यांना व्हॉट्सअपवर बनावट बनावट टॅक्स इनव्हाईस (FAKE-TAX- INVOICE) वरून बनावट ई बिल (E-WAY BILL) पाठवून मो. ७७३८७७१८६१ करण रांका व ९५१९५६०८७८ ट्रकचालक राकेश शर्मा असे नाव सांगणाऱ्या या दोघांनी वेळोवेळी ऑनलाईन एकूण १६ लाख २७ हजार ८०० रुपये स्वता:च्या आर्थिक फायदयासाठी पटेल यांची ऑनलाईन आर्थिक फसवणूक केली. या प्रकरणी जळगाव सायबर पोलिसात गुन्हा दाखल करण्यात आला असून पुढील तपास पो.नि. लिलाधर कानडे हे करीत आहेत.
