जळगाव (प्रतिनिधी) लोकसंघर्ष मोर्चा जळगाव आयोजित खुल्या बुद्धिबळ स्पर्धेचे आयोजन शिवजयंतीनिमित्त लेवा हॉल या ठिकाणी करण्यात आले. या स्पर्धेचे उद्घाटन जिल्ह्याचे पालकमंत्री ना. गुलाबराव पाटील व लोकसंघर्ष मोर्चाच्या संस्थापिका प्रतिभा शिंदे यांनी प्रत्यक्ष पटलावर चाल करून उद्घाटन केले. या स्पर्धेत एकूण ८३ खेळाडू असल्याने स्वीस लीग पद्धतीने स्पर्धा खेळविण्यात आल्या.
या कार्यक्रमाला ना. गुलाबराव पाटील सह लोकसंघर्ष मोर्चाच्या प्रतिभा पाटील, सचिन धांडे, आय एम आयचे प्रेसिडेंट स्नेहल फेगडे, एडवोकेट विजय पाटील, श्रीराम पाटील, महाराष्ट्र बुद्धिबळ संघटनेचे खजिनदार फारुक शेख, जळगाव जिल्हा बुद्धिबळ संघटनेचे सचिव नंदलाल गादिया, आर्बिटर प्रवीण ठाकरे, महाराष्ट्र बुद्धिबळ संघटनेचे सहसचिव अंकुश रक्ताळे, विजय देसाई, चंदन कोल्हे, अमोल कोल्हे, मुकुंद सपकाळे, कदम, वासुदेव पाटील, गजानन देशमुख, विनोद देशमुख, भुषण पाटील, प्रमोद पाटील, निर्णय चौधरी, चंदन कोल्हे, सागर पाटील, दामोदर भारंबे, सुभाष जाधव, योगेश पाटील, प्रतीक जोशी व प्रणव पवार यांची उपस्थिती होती. एकूण ८३ खेळाडू असल्याने स्वीस लीग पद्धतीने स्पर्धा खेळविण्यात आल्या.
प्रत्यक्ष स्पर्धेला सुरुवात
पाचव्या फेरीअखेर पर्यंत पाच पैकी पाच गुण जळगावची भाग्यश्री पाटील नंदुरबारचे वैभव बोरसे, औरंगाबादचे इंद्रजीत महिंद्रकर,घेऊन आघाडीवर आहेत तर तर स्पर्धेत चार गुण मिळून आपलं अस्तित्व टिकून ठेवणारे जळगावची सानिया तडवी, केतन पाटील, रविंद्र दशपुत्रे, वैभव बडगुजर, अक्षय सावदेकर, पूर्वा जोशी, गुणवंत कासार, चोपडाचे सदानंद तोटे, नंदुरबारचा ऋषिकेश सोनार, भुसावळचा रियाझ तडवी यांचा समावेश आहे. तर एकूण ३ गुण घेत २५ खेळाडूचा समावेश आहे.
महाराष्ट्र बुद्धिबळ संघटनेचे खजिनदार फारुक शेख यांनी खेळाडूंना शुभेच्छा देत प्रत्यक्ष सामन्याला सुरुवात केली. त्यात शुक्रवारी ५ राऊंड संपले, शनिवारी चार राउंड घेण्यात येतील व दुपारी दोन वाजता पारितोषिक वितरण समारंभ होणार आहे.
पाचव्या फेरीअखेर चे धक्का दायक निकाल खालील प्रमाणे
पहिल्या फेरीत बिगर मानांकित जळगावच्या देवेश कुलकर्णी याने मानांकित प्रशांत कासारचा पराभव केला. दुसऱ्या फेरीत जळगावच्या नऊ वर्षाच्या तासिन रफिक तडवी याने जळगावच्याच मानांकित भरत आमलेचा धक्कादायक पराभव केला. तिसऱ्या फेरीत पहिल्या पटावर जळगाव च्या गुणवंत कासार यांनी जळगाव च्या प्रथम मानांकित तेजस तायडे यांचा पराभव केला. याच फेरीत तहसीन तडवी जळगाव याने दुसरे जामनेरचे मानांकित खेळाडू किरण पाटील यांचा पराभव करून सर्वांना आश्चर्याचा धक्का दिला. चौथ्या फेरीत तेजस तायडे यांचा जळगावच्या उज्वल आम्ले ने पराभव केला. पाचव्या फेरीत जळगावच्या सानिया तडवीने जळगावच्या आपल्यापेक्षा वरिष्ठ अशा भरत आमलेचा धक्कादायक पराभव केला. उदघाटन कार्यक्रमाचे प्रास्ताविक अडव्होकेट राहुल अकोलकर, सूत्र संचलन भरत कर्डीले व आभार सचिन धांडे यांनी मानले. स्पर्धा यशस्वितेसाठी मुख्य पंच प्रवीण ठाकरे यांच्या मार्गदर्शनाखाली सहाय्यक पंच म्हणून परेश देशपांडे, अंकुश रक्ताळे, कुमारी शर्वरी दशपुत्रे, आकाश धनगर व पवन धनगर यांचे सहकार्य मिळत आहे.
