बीड (वृत्तसंस्था) बहीण भावच्या पवित्र नात्याला काळीमा फासणारी धक्कादायक घटना बीडमध्ये घडली आहे. बीड तालुक्यात सख्ख्या भावासह चुलत भावाकडून बहीणीवर लैंगिक अत्याचार केल्याचे उघडकीस आले आहे. या अत्याचारामुळे अल्पवयीन पीडिता गर्भवती राहिल्याने हा संतापजनक प्रकार समोर आला. याप्रकरणी पोलिसांनी एका आरोपीला बेड्या ठोकल्या आहेत.
पोलिस सुत्रांकडून मिळालेल्या माहितीवरून, बीड ग्रामीण पोलीस ठाण्याच्या हद्दीत वास्तव्यास असणाऱ्या, एका अल्पवयीन मुलीवर, तिच्या सख्या भावासह चुलत भावाने लैंगिक अत्याचार केला. यामधून सदरील पिडीत अल्पवयीन मुलगी, गर्भवती राहिल्याने हि घटना समोर आली आहे. याप्रकरणी रात्री उशिरा सख्ख्या भावासह, चुलत भाऊ व अन्य एकावर कलम ३७६ (2) (I) (N) (F), ३५४ (अ) 34 भादवि सह (N) 3, 8, 12 प्रमाणे गुन्हा नोंद झाला आहे. तर पोलिसांनी एका आरोपीला बेड्या ठोकल्या असून इतर दोन आरोपींचा ग्रामीण पोलीस शोध घेत आहेत.
