मुंबई (वृत्तसंस्था) कोरोनामुळे एलपीजी सिलिंडरवर सबसिडी सुविधा बंद करण्यात आली होती. आता पुन्हा एकदा अनुदानाची सुविधा सुरू झाली आहे. अनेक लोक घरगुती गॅस सिलेंडरची सबसिडी खात्यामध्ये येण्याबाबत गोंधळात असतात. जर तुमच्या खात्यातही सबसिडीचे पैसे येत नसतील तर त्याची चौकशी करणे आवश्यक आहे. परंतु यासाठी एक पद्धत आहे, ज्याद्वारे गॅस सबसिडी बँक खात्यात आली की नाही ते समजू शकतं.
सर्वसामान्यांना दिलासा देण्यासाठी एलपीजी सिलिडरवर सबसिडी देण्याची व्यवस्था सुरु करण्यात आली आहे. जर सबसिडी तुमच्या खात्यात पोहोचत नसेल, तर त्याचे कारण तुमचे आधार लिंक केलेले नाही. दुसरे म्हणजे असे देखील होऊ शकते की जर लोकाचे वार्षिक उत्पन्न १० लाख रुपये किंवा त्यापेक्षा जास्त असेल तर सरकार त्यांना अनुदानाच्या कक्षेबाहेर ठेवते.
सबसिडीचा कसा घ्यावा मागोवा ?
गॅस सबसिडीवटल जाणून घेण्यासाठी तुम्हाला सर्वप्रथम http://www.mylpg in या अधिकृत वेबसाइटवर जावे लागेल. यानंतर उजव्या बाजूला तुम्हाला तिन्ही कंपन्यांच्या गॅस सिलिडरचा फोटो दिसेल, यावरून तुमची सेवा प्रदाता कंपनी जी असेल, त्या गॅस सिलेंडरच्या फोटोवर क्लिक करा. यानंतर एक नवीन विडो उपडेल ज्यामध्ये तुमच्या गॅस सेवा प्रदात्याबद्दल तपशील दिला जाईल, आता तुम्हाला वरच्या उजव्या बाजूला साइन-इन आणि न्यू यूजरवा पर्याय दिसेल, जो तुम्हाला निवडावा लागेल. तथापि, जर तुमचा आयडी आधीच तयार केला असेल तर तुम्हाला साइन-इन करावे लागेल. जर आयडी नसेल तर तुम्हाला न्यू यूजर पर्यायावर क्लिक करावे लागेल. त्यानंतर जी विंडो उघडेल त्याच्या उजव्या बाजूला View Cylinder Booking History चा पर्याय असेल. आता ते निवडा, याद्वारे तुम्हाला सबसिडी मिळत आहे की नाही हे समजेल. तुमची सबसिड़ी येत नसेल तर तुम्ही 18002333555 या टोल फ्री क्रमांकावर तक्रार करू शकता.
