पिंप्री खुर्द ता. धरणगाव (प्रतिनिधी) येथील ग्रामपंचायत कार्यालयात नुकतीच ग्रामसभा घेण्यात आली. यात प्रगतशील शेतकरी ईश्वर धोबी यांची सर्वानुमते तंटामुक्ती समितीच्या अध्यक्षपदी तर सचिवपदी पोलीस पाटील गोपाल बडगुजर यांची निवड करण्यात आली.
यावेळी गावातील विविध विकास कामांविषयी चर्चा करण्यात आली. तसेच गावात लसीकरण शंभर टक्के व्हावे यासाठी सर्व गावकऱ्यांनी सहकार्य करावे, असे आवाहन ग्रामविकास अधिकारी श्री.बोरसे यांनी केले. पहिल्यांदाच खेळीमेळीच्या वातावरणात येथील ग्रामसभा पार पडली. यावेळी बहुसंख्य ग्रामस्थ उपस्थित होते. ग्रामसभेत सरपंच सरलाबाई बडगुजर, उपसरपंच मंगलअण्णा पाटील तसेच सर्व ग्रामपंचायत सदस्य, तलाठी, ग्राम विकास अधिकारी, डॉक्टर,शिवा महाजन,संजय ठाकूर, शिवाजी बडगुजर यांच्यासह ग्रामस्थ मोठ्या संख्येने उपस्थित होते. गावातील वाद विवाद हे गावातच मिटावेत शांतता प्रस्थापित व्हावी, या उद्देशाने ही समिती स्थापन करण्यात आली आहे. तसेच गावकऱ्यांकडून सहकार्याची अपेक्षा आहे, अशी इच्छा नवनिर्वाचित अध्यक्ष ईश्वर धोबी यांनी व्यक्त केली.
