श्रीहरिकोटा (वृत्तसंस्था) भारतीय अंतराळ संशोधन संस्था म्हणजे इस्रोच्या वर्षातील पहिल्या मोहिमेचे काउंटडाऊन सुरू झाले आहे. आंध्र प्रदेशात श्रीहरिकोटातील सतीश धवन अंतराळ केंद्रातून पीएसएलव्ही-सी ५१/ अमेझोनिया- १ रविवारी सकाळी १० वाजून २४ मिनिटांनी लाँच केले जाईल. या रॉकेटमध्ये ब्राझीलच्या अमेझोनिया-१ उपग्रहासोबत १८ नॅनो उपग्रहही लाँच होतील. यातील एक उपग्रह स्पेस किड्ज इंडिया यांनी बनवलं आहे.
भारतीय अंतराळ अनुसंधान संघटनेकडून (ISRO) PSLV-C51 च्या माध्यमातून आज सकाळी १० वाजून २४ मिनिटांनी १९ सॅटेलाईट लॉन्च करण्यात येणार आहेत. आंध्र प्रदेशच्या श्रीहरिकोटा स्थित सतीश धवन स्पेस सेंटरमधून PSLV-C५१ लॉन्च करण्यात येणार आहे. या अभियानांतर्गत ब्राझीलच्या अमेझोनिया-१ सॅटेलाइटला देखील लॉन्च करण्यात येणार असून त्यासोबत अन्य १८ कमर्शियल सॅटेलाइट्सला प्रक्षेपित केलं जाणार आहे. स्पेस किड्ज इंडियानं बनवलेल्या सॅटेलाईटमध्ये एक एसडी कार्ड आहे ज्यात भगवद् गीताची इलेक्ट्रॉनिक प्रत अंतराळात पाठवण्यासाठी सुरक्षित केली आहे. सोबतच सॅटेलाईटवर पंतप्रधान नरेंद्र मोदी यांचं छायाचित्र देखील लावण्यात आलं आहे.
साल २०२१ मधील भारताचं हे पहिलं अंतराळ अभियान आहे. PSLV रॉकेटसाठी हे खूप मोठं अभियान असणार आहे. कारण याच्या उड्डाणाची वेळमर्यादा एक तास ५५ मिनिटं आणि ७ सेकंदांपर्यंत असणार आहे. जर लॉन्चिंग व्यवस्थित पार पडलं तर भारताकडून लॉन्च करण्यात आलेल्या सॅटेलाईट्सची संख्या ३४२ होईल. ISRO नं म्हटलं आहे की, अमेझोनिया -१ च्या मदतीनं अमेझॉन क्षेत्रातील वनांची कत्तल आणि ब्राझीलमधील कृषी क्षेत्राशी संबंधित वेगवेगळ्या विश्लेषणांसाठी यूझर्संना रिमोट सेंसिंग डेटा प्रदान करण्यास मदत होईल तसेच वर्तमान संरचना आणखी मजबूत बनू शकेल.
१८ अन्य सॅटेलाइट्समधील चार इन-स्पेस मधून आहे. यापैकी तीन सॅटेलाइट्स भारतातील शैक्षणिक संस्थानांच्या यूनिटीसॅट्समधील आहेत. यात श्रीपेरंबदुर स्थित जेप्पीआर इन्स्टिट्यूट ऑफ टेक्नोलॉजी, नागपूरमधील जीएच रायसोनी कॉलेज ऑफ इंजिनिअरिंग आणि कोईंबतूरमधील श्री शक्ति इन्स्टिट्यूट ऑफ इंजीनिअरिंग अँड टेक्नोलॉजी या संस्थांचा समावेश आहे. अन्य एकाची निर्मिती सतीश धवन सॅटेलाइट स्पेस किड्ज इंडियानं केली आहे तर बाकी १४ एनएसआयएलची निर्मिती आहे.
एसएसएलव्हीत ६०० ऐवजी फक्त ६ जणांची गरज
इस्रो चेअरमन के. सिन यांच्यानुसार एसएसएलव्हीची डिझाइन लाँच ऑन डिमांड कल्पनेवर आहे. पीएसएलव्हीच्या निर्मितीला ६० दिवस लागायचे तर एसएसएलव्ही तयार करण्यात केवळ ७२ तास म्हणजे तीन दिवस लागतील. पीएसएलव्हीत ६०० जणांची गरज असते तर एसएसएलव्हीसाठी फक्त ६ जणांची गरज आहे. मात्र, त्याद्वारे ५०० किलो वजनाच्या उपग्रहास ५०० किमी लांब लो अर्थ आॅर्बिट आणि ३०० किमी लांब सन सिंक्रोनस आॅर्बिटमध्ये पाठवता येईल.
