सांगली प्रतिनिधी महाराष्ट्रातील सांगली जिल्ह्यात कर्जबाजारीपणाला कंटाळून नऊ जणांनी सामूहिक आत्महत्या केली नसून तांत्रिक अब्बास मोहम्मद अली याने ही घटना घडवून आणल्याचे समोर आले आहे. प्रकरणाचे रूपांतर सामूहिक आत्महत्येऐवजी सामुहिक खुनात झाले आहे. पोलिसांनी तांत्रिक अब्बास आणि त्याच्या चालकाला अटक केली आहे. सांगलीत कथित सामूहिक आत्महत्येचा हा खुलासा झाल्याने खळबळ उडाली आहे. या
20 जून रोजी सांगलीत म्हैसाळ गावातील दोन भावांचे कुटुंब उद्ध्वस्त करण्याचे हे कृत्य अब्बास आणि त्याच्या साथीदाराने केले होते. थोड्याच अंतरावर असलेल्या दोन भावांच्या घरात नऊ जणांचे मृतदेह आढळल्याने देशभरात खळबळ उडाली. सुरुवातीला कर्जबाजारीपणामुळे सामूहिक आत्महत्या झाल्याचे बोलले जात होते, संपूर्ण प्रकरणाचा पर्दाफाश केला असता तांत्रिकाने कुटुंबातील सदस्यांना आळीपाळीने चहा दिला आणि सर्व नऊ जण एकामागून एक मरण पावले.
मृतांमध्ये वनमोरे मोठा भाऊ, शिक्षक आणि दुसरा पशुवैद्य यांचा समावेश आहे. कोल्हापूर परिक्षेत्राचे आयजी मनोजकुमार लोहिया यांनी या हत्याकांडाचा खुलासा करताना ही माहिती दिली. तांत्रिक अब्बासने डॉ. माणिक वनमोरे आणि पोपट वनमोरे यांना गुप्तधन शोधण्यासाठी फसवून भावांकडून सुमारे एक कोटी रुपये उकळले होते. यानंतर तांत्रिकाचे पैसे शोधण्यासाठी बरेच नाटक अयशस्वी झाल्यावर वनमोरे बंधू पैसाची परत मागणी
करत होते. तांत्रिकाला पैसे परत करायचे नव्हते म्हणून त्याने वनमोरे बंधूंचे संपूर्ण कुटुंब उद्ध्वस्त करण्याचा कट रचून केली हत्त्या.
