जळगाव (प्रतिनिधी) गोंडस मुलीला जन्म दिल्यानंतर प्रकृती खालावल्याने एका विवाहितेला शासकीय वैद्यकीय महाविद्यालयात नबाबाई समीर पावरा (वय २८ रा. कुंड्यापाणी ता. चोपडा) या विवाहितेचा मृत्यू झाला. ही धक्कादायक घटना रविवार दि. १९ मे रोजी दुपारी दीड वाजेच्या सुमारास घडली.
विवाहितेची प्रकृती खालावल्याने शासकीय वैद्यकीय महाविद्यालयात केले दाखल !
चोपडा तालुक्यातील कुंड्यापाणी या आदीवासी पाड्यावर नबाबाई पावरा या विवाहिता आपले पती आणि तीन मुलांसह वास्तव्याला होत्या. नबाबाई ह्या चौथ्यांदा गरोदर होत्या. रविवार दि. १९ मे रोजी सकाळी ९.३० वाजता विवाहिता घरी असतांना त्यांची प्रसुती कळा जाणवायला लागल्या. त्यानंतर त्यांनी काहीवेळात गोंडस मुलीला जन्म दिला. दुपारी १२ वाजता विवाहितेची प्रकृती खालावल्याने त्यांना खासगी वाहनातून धानोरा ग्रामीण रूग्णालयात उपचारार्थ दाखल करण्यात आले. त्यानंतर तिच्या विवाहितेवर प्राथमिक उपचार घेतल्यानंतर त्यांना जळगाव येथील शासकीय वैद्यकीय महाविद्यालयात दाखल करण्यात आले.
रुग्णालयात कुटुंबियांचा आक्रोश !
विवाहितेवर उपचार सुरू असतांना दुपारी दीड वाजता विवाहितेचा उपचारादरम्यान मृत्यू झाला. यावेळी विवाहितेच्या नातेवाईकांनी शासकीय वैद्यकीय महाविद्यालयात एकच आक्रोश केल्याचे पहायला मिळाले. विवाहितेच्या पश्चात पती समीर, तीन मुले अनिकेत, आयुष आणि अंकीत आणि नुकतेच जन्माला आलेले गोंडस मुलगी असा परिवार आहे. या घटनेबाबत पोलीसात अकस्मात मृत्यूची नोंद करण्यात आली आहे.
