पहूर ता.जामनेर (प्रतिनिधी) येथून शेंदुर्णीकडे विद्यार्थ्यांना घेऊन जाणारी स्कूल बस झाडावर आदळल्याने या अपघातात दोन शिक्षकांसह २५ विद्यार्थी जखमी झाले. हा अपघात आज (शुक्रवार) सकाळी पहूरजवळ घडली.
आज सकाळी ७.३० वाजता शेंदुर्णी येथील श्रीकृष्ण विद्यामंदिर या शाळेतील विद्यार्थ्यांना घेऊन सकाळी बस निघाली होती. पहूर -पाचोरा रस्त्यावर स्टेअरिंग रॉड तुटल्याने बस झाडावर आदळून उलटली. बसमध्ये जवळपास पन्नास ते साठ विद्यार्थी होते. गंभीर जखमी विद्यार्थ्यांना जळगाव येथे हलविण्यात आले आहे. दरम्यान, या अपघातामुळे पालकांमध्ये भीतीचे वातावरण पसरले होते.
