पुणे (वृत्तसंस्था) भोसरी एमआयडीसीतील जमीन गैरव्यवहार प्रकरणात जी उपलब्ध कागदपत्रं आहेत, त्यानुसार प्रथमदर्शी एकनाथराव खडसे हे यात पूर्णतः दोषी आहेत. त्यामुळे खडसे यांचे जावई गिरीश चौधरी यांच्या अटकेनंतर आता स्वतः एकनाथराव खडसे आणि त्यांची पत्नी मंदाकिनी खडसे यांनाही अटक होण्याची शक्यता, अ‍ॅड. असीम सरोदे यांनी व्यक्त केली आहे. पुणे न्यायालयात असीम सरोदे हे खडसे यांच्याविरोधात ही केस लढवत आहेत.
अ‍ॅड. असीम सरोदे पुढे म्हणाले की, ईडीचा तपास हा योग्य दिशेने सुरु आहे. त्यामुळे माजी महसूल मंत्री एकनाथराव खडसे यांचे जावई गिरीश चौधरी यांच्या अटकेनंतर आता स्वतः खडसे आणि त्यांची पत्नी मंदाकिनी खडसे यांनाही अटक होण्याची शक्यता आहे. या प्रकरणाची जी उपलब्ध कागदपत्रं आहेत, त्यानुसार प्रथमदर्शी खडसे हे यात पूर्णतः दोषी असल्याचे मतही अ‍ॅड. सरोदे यांनी व्यक्त केले आहे. पुण्यातील न्यायालयात असीम सरोदे हे एकनाथराव खडसे यांच्याविरोधात ही केस लढवत आहेत. दरम्यान, पुण्यातील भोसरी एमआयडीसी जमीन घोटाळा प्रकरणी एकनाथ खडसे यांचे जावई गिरीश चौधरी यांना ईडीकडून अटक करण्यात आली आहे. मनी लाँड्रिंग प्रकरणात मंगळवारी १३ तास कसून चौकशी केल्यानंर गिरीश चौधरींना रात्री अटक करण्यात आली. ईडीची सिडी लावण्याचा इशारा देणाऱ्या एकनाथराव खडसे यांना सर्वात मोठा धक्का मानला जात आहे. याआधी, भोसरी भूखंड प्रकरणात एकनाथ खडसे यांची जानेवारी महिन्यात ईडीने चौकशी केली होती. दरम्यान, ईडीने पीएमएल अ‍ॅक्टनुसार कारवाई करण्याची गरज असते, अनेक शेल (डबा) कंपनी यांच्याकडून गिरीश चौधरी आणि मंदाकिनी खडसे यांच्या खात्यावर पैसे जमा झाले आहेत. व्यवहाराची चौकशी व्हायला हवी, त्याची लिंक कुठे आहे, ते शोधलं पाहिजे, अशी प्रतिक्रिया सामाजिक कार्यकर्त्या अंजली दमानिया यांनी व्यक्त केली.
