भुसावळ (प्रतिनिधी) रेल्वे प्रवासात प्रवाशांशी गोड बोलून त्यांना गुंगीचे औषध टाकलेला लाडू देऊन लुटणाऱ्या उत्तर प्रदेशमधील भामट्याला रेल्वे सुरक्षा बलाने अटक केली आहे. मिश्रीलाल द्वारका प्रसाद मौर्य (६७, भवैरनगर, मेहनवण, जिल्हा- गोंडा, उत्तर प्रदेश) असे अटकेतील संशयित आरोपीचे नाव आहे.
तक्रारदार शिवदास रामचंद्र पाटील (६७) हे ५ जानेवारी रोजी जळगाव रेल्वे स्थानकावरून अप १२८६० गीतांजली एक्स्प्रेसने जळगाव- कल्याण प्रवास करीत असताना आरोपी मौर्य याने त्यांना प्रवासात गुंगीचे औषध टाकलेला लाडू खाण्यास दिला. त्यांची शुद्ध हरपताच आरोपीने त्यांच्याकडील १ लाख ११ हजारांचा ऐवज लांबवला होता. कल्याण आल्यानंतर प्रवाशाने रेल्वे पोलिसात तक्रार केल्यानंतर हा गून्हा भुसावळात वर्ग करण्यात आला. यानंतर रेल्वे प्रवासात प्रवाशांना गुंगीचे औषध टाकलेला लाडू देऊन लुटणाऱ्या या उत्तर प्रदेशातील भामट्याला रेल्वे सुरक्षा बलाने अटक केली. त्याच्याकडून आणखी गुन्हे उघडकीस येण्याची शक्यता रेल्वे पोलिसांनी वर्तवली आहे.
रेल्वे सुरक्षा बलाकडूनही याप्रकरणी संशयिताला ताब्यात घेतल्यानंतर तपास सुरू असताना शनिवार, दि. २२ जानेवारी रोजी दुपारी १.३० वाजता इन्स्पेक्टर बायनी प्रसाद मीना, कॉन्स्टेबल अरुण कुमार, सहा गुन्हे कॉन्स्टेबल सागर वर्मा यांनी ट्रेन क्रमांक ०११३९ मध्ये मनमाड- नाशिक दरम्यान संशयित आरोपीला ताब्यात घेतले. त्याच्या बॅगेत २४ हजारांची औषध टाकलेल्या लाडूंचा बॉक्स, मेरफॅक्स औषधी बॉक्स, आणि कार्ड व कपडे आढळल्याने ते जप्त करण्यात आले. आरोपीने गुन्हा केल्याची कबुली त्यास भुसावळ रोकड, लोहमार्ग पोलिसांच्या ताब्यात टिफिन देण्यात आले. आरोपी विरोधात बीना, आधार अन्नपूर आदी ठिकाणी सुमारे दाखल असल्याचे स्पष्ट झाले आहे.
