जळगाव (प्रतिनिधी) – घरात एकट्या असलेल्या महिलेच्या घरात अनधिकृतपणे शिरून तिला शिवीगाळ केली. तसेच तिच्यासोबत अश्लिलकृत्य करीत विनयभंग केल्याची घटना दि. २१ मे रोजी रात्री साडेआठ वाजेच्या सुमारास तालुक्यातील एका गावात घडली. याप्रकरणी चार जणांविरुद्ध तालुका पोलिसात गुन्हा दाखल करण्यात आला आहे.
जळगाव तालुक्याती एका गावात ३० वर्षीय महिला वास्तव्यास आहे. दि. २१ रोजी रात्री साडेआठ वाजेच्या सुमारास महिला घरात असतांना चौघ संशयितांनी पीडितेच्या घरात अनधिकृतपणे प्रवेश केला. त्यानंतर संशयित अरुण पाटील याने पीडितेचा हात पकडून तिला अश्लिल शिवीगाळ करीत तिच्या मनास लज्जा उत्पन्न होईल असे कृत्य केले. त्यानंतर उर्वरीत तिघांनी पीडितेला चापटाबुक्क्यांनी मारहाण करुन तू जर घर सोडून गेली नाही तर तुला आम्ही जीवंत सोडणार नाही अशी धमकी देखील दिली. दरम्यान, दि. २२ मे रोजी त्या महिलेने तालुका पोलिसात तक्रार दिली. त्यानुसार संशयित अरुण मंगल पाटील, मुरलीधर शांताराम पाटील, समाधान शांताराम पाटील व शांताराम समाधान पाटील (सर्व रा. आव्हाणा, ता. जळगाव) यांच्याविरुद्ध गुन्हा दाखल करण्यात आला आहे. तपास पोना कैलास इंगळे हे करीत आहे.
