जळगाव (प्रतिनिधी) – लग्नाचे अमिष दाखवित पुण्यातील तरुणीवर शहरातील वेगवेगळ्या हॉटेल व लॉजमध्ये नेवून अत्याचार केला. ही धक्कादायक घटना सन ते दि. ११ मे दरम्यान घडली. तरुणाकडून लग्नास टाळाटाळ केली जात असल्यानंतर तरुणीला त्याचे इतर कोणासोबत अफेअर असल्याचा संशय आला. तीने याबाबत विचारणा केली असता, तरुणाने शिवीगाळ करीत मारहाण केली. याप्रकरणी तरुणीने दिलेल्या फिर्यादीवरुन संशयित रोशन मुकेश निकम (रा. निमखेडी, ता. जळगाव) याच्याविरुद्ध गुन्हा दाखल करण्यात आला असून त्याला अटक करण्यात आली आहे.
पुण्यात राहणाऱ्या २३ वर्षीय तरुणीची तिच्या मैत्रीणीच्या माध्यमातून सन २०२४ मध्ये इन्सटाग्राम अकाऊंटवरुन तिचा मानलेला भाऊ रोशन निकम याच्यासोबत ओळख करुन दिली होती. त्यांचे इन्सटाग्रावर बोलणे सुरु असतांना त्यांच्या मैत्रणी होवून प्रेमसंबध निर्माण झाले. त्यानंतर मार्च २०२४ मध्ये ते दोघ जळगावातील एका कॅफे मध्ये भेटल्यानंतर त्यांची समोरासमोर ओळख झाली. तेथे त्यांनी एकमेकांना आपले मोबाईल क्रमांक दिल्यानंतर त्यांचे कॉलवर देखील बोलणे सुरु झाले होते यावेळी संशयित रोशन निकम याने तरुणीला आपण लग्न करु असे सांगितल्यानंतर
तरुणीने आपण वेळ घेवू असे सांगतले होते. दोघांचे कॉलवर बोलणे सुरु झाल्यानंतर रोशन याने तरुणीला त्याच्या कुटुंबियांशी भेट घालून दिली. तसेच आम्ही लग्न देखील करणार असल्याचे त्याने सांगितले होते. दरम्यान, मार्च २०२४ मध्ये रोशन याने पीडित तरुणीला नवीपेठेतील जयकिसन वाडी परिसरातील एका लॉजवर घेवून गेला. त्याठिकाणी आपण लग्न करु असे म्हणत त्याने पीडितेवर अत्याचार केला.
शिवीगाळ करत तरुणीला मारहाण
ऑक्टोंबर २०२५ मध्ये तरुणीला पुणे येथे नोकरी लागल्यामुळे ती पुणे येथे निघून गेली. त्यावेळी रोशन हा तरुणीला भेटण्याकरीता पुणे येथे जात होता. रोशन हा पीडितेसोबत कमी बोलत असल्यामुळे तरुणीला त्याचे बाहेर कोणासोबत तरी अफेअर असल्याचा संशय आला. तरुणीने त्याला विचारणा केली असता, संशयित रोशन याने तरुणीला शिवीगाळ करीत मारहाण केली.
जाब विचारण्यासाठी आल्यानंतर केला अत्याचार
अफे अरबाबत जाब विचारण्यासह दि. ११ मे रोजी पीडिताजळगावला आली असता, संशयित रोशन याने पीडीतेला कुसुंबा नाक्यावरील एका हॉटेलमध्य नेले. तेथे त्याने तरुणीला आपण तरसोद येथील गणपती मंदिरात जावून लग्न करु असे सांगत त्याने हॉटेलमध्ये तरुणीवर अत्याचार केला. त्यानंतर ते दोघ मंदिरात गेले परंतू ऑफिस बंद असल्याने ते माघारी परतले. त्यानंतर संशयिताने पीडीतेला मी पुण्यात येतो आपण आळंदीला लग्न करु असे सांगितल्यानंतर पीडिता पुण्याला निघून गेली.
चौकशीनंतर तरुणाचे लग्न झाल्याच पडले माहिती
संशयित रोशन याने तरुणीला भेटल्यानंतर दुसऱ्या दिवशी अचानक तिचा मोबाईल नंबर आणि सोशल मीडियावर ब्लॉक केले. याबाबत तरुणीने चौकशी केल्यानंतर तीला संशयित रोशनच्या लग्नाबाबत तिला माहिती पडले. दरम्यान, पीडितेला लग्नाचे अमिष दाखवून तिच्यावर वेळोवेळी अत्याचार झाल्याचे लक्षात आल्यानंतर तीने पुणे येथे पोलिसात तक्रार दिली. त्यानुसार संशयित रोशन निकम (रा. निमखेडी, ता. जळगाव) याच्याविरुद्ध गुन्हा दाखल करण्यात आला असून तो गुन्हा शहर पोलिसात वर्ग करण्यात आला आहे. याप्रकरणी पोलिसांनी तपासचक्रे फिरवित संशयित रोशन निकम याला अटक केली असून तपास उपनिरीक्षक अशोक खेडकर हे करीत आहे.
