अमळनेर(प्रतिनिधी) शहरातील कुबेर ग्रुपचे अध्यक्ष व भाजपाचे शहर उपाध्यक्ष महेंद्र महाजन यांच्या सामाजिक कार्याची दखल घेत भाजपाचे जळगाव जिल्ह्याध्यक्ष व आमदार राजुमामा भोळे यांनी पाचपावली कट्टा व कुबेर ग्रुप हॉटेलला सदिच्छा भेट दिली.
तसेच महेंद्र महाजन व त्यांच्या सर्व सहकाऱ्यांचे कौतुक देखील केले. आरोग्य सेवेत व सामाजिक कार्यात कुबेर ग्रुप नेहमी मदतीसाठी धावून येत असतो. कोरोनाच्या काळात रुग्णवाहिकेचे देखील लोकार्पण महेंद्र महाजन यांनी केले होते. यावेळी माजी आमदार स्मिता वाघ, शितल देशमुख, उमेश वाल्हे, देवा लांडगे, अमोल बडगुजर, जयंत पाटील, सोनू महाले, प्रमोद महाजन, संदीप महाजन, प्रवीण महाजन, योगेश पाटील, विठोबा महाजन तसेच इतर पदाधिकारी व सामाजिक कार्यकर्ते उपस्थित होते.
