मुंबई (वृत्तसंस्था) तप्रधान देहूमध्ये संत तुकारामाच्या भेटीला आले आणि एकनाथाला घेऊन गेले असा टोला राष्ट्रवादी काँग्रेसचे नेते छगन भुजबळ यांनी राज्यातील राजकीय स्थितीवर बोलताना लगावला आहे.
राज्यातील राजकीय घडामोडींच्या पार्श्वभूमीवर राष्ट्रवादी कॉंग्रेसनेही आपल्या नेत्यांनी तातडीने बैठक घेण्यात आली होती. यावेळी मंत्री छगन भुजबळ मोठं विधान केले. राज्यात चाललेल्या सर्व हालचालीवर राष्ट्रवादीचे अध्यक्ष शरद पवार यांची नजर आहे. पंतप्रधान संत तुकारामांच्या भेटीला आले आणि एकनाथ यांना घेऊन गेले” असा टोला लगावला आहे. ‘शिवसेनेची अस्वस्थता त्यांच्या बंडखोर आमदारांनी बोलून दाखवली आहे. याआधी आमच्या कानावर असं काही आलं नव्हतं? तो शिवसेनेचा अंतर्गत प्रश्न आहे. सरकार पडणं, राजिनामा देणं वेगैरे आम्हाला नवीन नाही. राष्ट्रवादी कधीही निवडणुकांसाठी तयार आहे’. असे मंत्री छगन भुजबळ यांनी म्हटलं आहे.
आमदारांची नाराजी दूर करण्यासाठी सेनेच्या वतीने प्रयत्न सुरू आहेत. संजय राऊत यांनीही एकनाथ शिंदेंना फोन कॉल केल्याचं सांगितलं. दोघांमध्ये एक तास चर्चा झाल्याची माहिती राऊतांनी दिली. सध्या राजकीय घडामोडींचा प्रवास विधानसभा बरखास्त होण्याच्या दिशेने असल्याचं ट्वीट राऊत यांनी केलं आहे.
