नवी दिल्ली (वृत्तसंस्था) पंतप्रधान मोदींविरोधात पोस्टरबाजी करणं काही जणांना चांगलंच महागात पडलं आहे. कोव्हिडशी लढाई करण्यासाठी सुरू असलेल्या लसीकरण मोहिमेसंदर्भात पंतप्रधान नरेंद्र मोदी यांच्यावर टीका करणारी पोस्टरबाजी करण्यात आली होती. याप्रकरणी दिल्ली पोलिसांनी २१ पेक्षा जास्त FIR नोंदवून १७ जणांना अटक केली आहे. या पोस्टरमध्ये असं म्हटलं होतं की, ‘मोदीजी हमारे बच्चोंकी व्हॅक्सिन विदेश मे क्यों भेज दिया?’.
मागील काही दिवसांत दिल्लीत अनेक ठिकाणी मोदींवर टीका करणारी पोस्टर लावण्याचे सत्र सुरू आहे. कोरोना संकटाच्या हाताळणीत मोदी सरकार अपयशी ठरल्याची टीका देशात तसेच, आंतरराष्ट्रीय पातळीवर होत आहे. दिल्लीत अशा प्रकारची पोस्टर लागल्यानंतर खडबडून जागे झालेल्या दिल्ली पोलिसांनी तातडीने कारवाईची पावले उचलली.
याप्रकरणी दिल्ली पोलिसांनी २१ पेक्षा जास्त एफआयआर दाखल केले आहेत. सार्वजनिक मालमत्तेचे विद्रुपीकरण आणि इतर कायद्यांतर्गत गुन्हे दाखल करण्यात आले आहेत. दिल्ली पोलिसांनी शहरात वेगवेगळ्या भागात कारवाई करीत आतापर्यंत १७ जणांना अटक केली आहे. त्यांच्याकडून पोलिसांनी सुमारे ८०० पोस्टर जप्त केली आहेत. या पोस्टरवर लिहिले होते की, मोदीजी, आपने हमारे बच्चोंकी व्हॅक्सिन विदेश क्यू भेज दी ?या प्रकरणी दिल्ली पोलिसांनी २१ पेक्षा जास्त एफआयआर दाखल केले आहेत. सार्वजनिक मालमत्तेचे विद्रुपीकरण आणि इतर कायद्यांतर्गत गुन्हे दाखल करण्यात आले आहेत. दिल्ली पोलिसांनी शहरात वेगवेगळ्या भागात कारवाई करीत आतापर्यंत १७ जणांना अटक केली आहे. त्यांच्याकडून पोलिसांनी सुमारे ८०० पोस्टर जप्त केली आहेत. या पोस्टरवर लिहिले होते की, मोदीजी, आपने हमारे बच्चोंकी व्हॅक्सिन विदेश क्यू भेज दी ?. आमच्या मुलांसाठी असणारी लस परदेशात का पाठवली असा सवाल या पोस्टरमधून विचारण्यात आला होता.
