यावल (प्रतिनिधी) यावल बसस्थानकासह विविध भागात 16 वर्षीय अल्पवयीन विद्यार्थिनीचा पाठलाग करून विनयभंग केल्याप्रकरणी यावल पोलीस ठाण्यात एकाविरुद्ध गुन्हा दाखल करण्यात आला आहे.
यावल शहरातील बसस्थानक परीसरात शिक्षणासाठी शहरातील एक अल्पवयीन मुलगी ये-जा करते. या मुलीचा तिच्या घरापासुन येतांना व बसस्थानकावर शहरातील एका मुलाने सतत पाठलाग करून तिला त्रास दिला. याबाबत तिची आई मुलास बोलण्यास गेली असता त्या मुलाने पिडीत विद्यार्थिनीच्या आईलादेखील धमकी दिली.
या प्रकरणी यावल पोलीस ठाण्यात 16 वर्षीय अल्पवयीन मुलीने दिलेल्या फिर्यादीवरून विनयभंग तसेच बालकांचा लैंगिक अत्याचारापासून संरक्षण कायदा पोस्को अन्वये गुन्हा दाखल करण्यात आला. पुढील तपास पोलीस निरीक्षक राकेश मानगावकर यांच्या मार्गदर्शनाखाली पोलीस उपनिरीक्षक अविनाश दहिफळे हे करीत आहे.
