जळगाव (प्रतिनिधी) ‘तू मेरे साथ चल’, असे म्हणत एका १८ वर्षीय तरुणीचा विनयभंग झाल्याची घटना उघडकीस आली आहे. याप्रकरणी रामानंदनगर पोलिस स्थानकात सैय्यद अकबर सैय्यद सलाउद्दीन याच्याविरुद्ध गुन्हा दाखल करण्यात आला आहे.
यासंदर्भात अधिक असे की, सैय्यद अकबर सैय्यद सलाउद्दीन याने दि. २ जून २०२२ पासून एका १८ वर्षीय तरुणीला अश्लील इशारे करून पाठलाग करत होता. १८ जून २०२२ रोजी सैय्यदने पिडीत तरुणीच्या घराजवळ येवून डोळा मारला. तसेच हात पकडुन तू मेरे साथ चल, असे बोलून तरुणीच्या मनास लज्जा उत्पन्न करून विनयभंग केला. याप्रकरणी रामानंदनगर पोलिस स्थानकात सैय्यद अकबर सैय्यद सलाउद्दीन याच्याविरुद्ध गुन्हा दाखल करण्यात आला आहे. तसेच पुढील तपास सपोनि रोहिदास गभाले हे करीत आहेत.
