जळगाव (प्रतिनिधी) विद्यार्थिनींचा सतत पाठलाग करून विनयभंग केल्याप्रकरणी जिल्हापेठ पोलिसात गुन्हा दाखल करण्यात आला असून दोन संशयित तरुणांना अटक करण्यात आली आहे. (Jalgaon Crime News)
या संदर्भात अधिक असे की, पिडीत विद्यार्थिनी दि.६ रोजी एका कॉलेजच्या परिसरात असतांना फारुख खान युनुस खान (रा.उस्मानिया पार्क, जळगाव) आणि योगेश गजानन कुंवर (रा.वाघ, नगर. जळगाव) या दोघांनी पिडीत विद्यार्थिनीचा पाठलाग करुन तिच्याकडे एकटक बघितले. तसेच अश्लिल हातवारे करुन जवळ बोलावले. यानंतर पिडीतेकडे तीचा मोबाईल नंबर मागत फोनवर बोलण्याचे सांगितले आणि तू माझ्याशी संबंध ठेव, असे बोलून विनयभंग केला. या प्रकरणी पोलिसांनी तात्काळ दोघां संशयित आरोपींना अटक केली असून पुढील तापस पोउपनि शांतराम पाटील हे करीत आहेत.
