जळगाव (प्रतिनिधी) घरगुती मिटर कमर्शियल न करता व दंड न करण्यासाठी महावितरण कंपनीच्या सिनीयर टेक्नीशियनला १० हजार रुपयांची लाच स्वीकारताना लाचलुचपत प्रतिबंधक विभागाच्या पथकाने आज रंगेहात अटक केली आहे.
याबाबत अधिक माहिती अशी की, तक्रारदार यांचे घरगुती मिटर कमर्शियल न करता व दंड न करण्यासाठी महावितरण कंपनीत सिनीयर टेक्नीशीयन शोभना दिलीप कहाने (वय-५६ रा. पवन नगर ममुराबाद रोड) यांनी तक्रारदार यांच्याकडे १० हजार रूपयांची मागणी केली होती. याबाबत तक्रारदार यांनी जळगाव लाचलुचपत विभागाकडे तक्रार केली. त्यानुसार नाशिक पोलीस अधीक्षक सुनील कडासने, अपर पोलीस अधीक्षक निलेश सोनवणे, पोलीस उपअधीक्षक विजय जाधव यांच्या मार्गदर्शनाखाली पथकाने आज सापळा रचून शोभना कहाने यांना १० हजार रूपयांची लाच घेतांना रंगेहात अटक केली आहे.
यांनी केली कारवाई
पोलीस उपअधिक्षक गोपाल ठाकूर, पो.नि. निलेश लोधी, पोहेकॉ दिनेशसिंग पाटील, पोहेकॉ अशोक अहिरे, पोहेकॉ सुनिल पाटील, पोहेकॉ सुरेश पाटील, पोहेकॉ रविंद्र घुगे, मपोहेकॉ शैला धनगर, पोना मनोज जोशी, पोना सुनिल शिरसाठ , पोना जनार्धन चौधरी, पोकॉ प्रविण पाटील, पोकॉ नासिर देशमुख, पोकॉ ईश्वर धनगर आणि प्रदिप पोळ यांनी ही कारवाई केली.
