धरणगाव (प्रतिनिधी) शहरात दिवाळी निमित्त ‘फेसबुक लाइव्ह संगीत संध्या कार्यक्रम’ संगीतम ऑर्केस्ट्राच्या माध्यमातून साजरा करण्यात आला. याप्रसंगी संगीतम ऑर्केस्ट्राचे संचालक सचिन भावसार, मुकेश अहिरे, उज्ज्वल पाटील यांनी सहकार्य केले.
फेसबुक लाइव्ह संगीत संध्या कार्यक्रमात स्वाती भावे, श्रेया भावे, विकास मोरावकर, सूरज शुक्ल, सलिम दरबार या गायकांनी गाणे गात कार्यक्रमात बहार आणली. सदर कार्यक्रमाचा दोन हजार प्रेषकांनी ‘फेसबुक लाइव्ह’वरून आनंद लुटत शुभेच्छा दिल्यात. संगीतम ऑर्केस्ट्राचे संचालक सचिन भावसार यांनी मानधन न घेता कार्यक्रम सादर करुन जलदूत फाउंडेशनला मदत केली. संगीत संध्या कार्यक्रमाच्या मध्यांत वेळात प्रा.ए.आर.पाटील यांनी जलदूत फाउंडेशनची स्थापना कशी झाली? व आजपावतो त्यांनी वृक्ष व जलसंवर्धन या बरोबर कोरोना काळात सामाजिक बांधीलकी जोपासणे, गरजु लोकांना किराणा किट वाटप करणे, याचे विस्तृत वर्णन करून जलदूत फांउडेशनचा जमा,खर्च,शिल्लक याचा हिशोब देखील सादर केला.
कार्यक्रमाच्या शेवटी अँड.संदीप पाटील यांनी पोलीस प्रशासनाने परवानगी देऊन तर विवेकानंद शिक्षण प्रसारक मंडळ यांनी मैदान उपलब्ध करून दिल्याबद्दल आभार मानले. कार्यक्रमासाठी जलदूत फांउडेशनचे डॉ.पंकज अमृतकर,डॉ.आशिष सूर्यवंशी,डॉ.सुचित जैन,डॉ. दिपक सालुंखे,विक्रांत पाटील,इंजी.सुनिल शाह,नितेश महाजन,कन्हैया रायपुरकर,निलेश भांडे,स्वप्निल मालपुरे,मनोज महाजन,दिनेश मोहकर,सागर चौधरी इत्यादी सदस्यांनी मेहनत घेऊन कार्यक्रम यशस्वी केला.
