धरणगाव (प्रतिनिधी) शासनाच्या शालेय विभागाकडून आलेल्या पत्रकानुसार प्रत्येक शिक्षकाची आरटीपीसीआर कोविड टेस्ट घेणे बंधनकारक करण्यात आले आहे. त्यानुसार आज धरणगाव येथील शतकोत्तरी पी. आर. हायस्कूलच्या ४० शिक्षक शिक्षकेतर कर्मचारी वर्गाने पुढाकार घेऊन आपली कोविड टेस्ट करून घेतली.
तालुक्यात कोरोनाचा संसर्ग कमी होत असून सर्व व्यवहार सुरू झालेले आहेत. शासनाच्या शालेय विभागाकडून आलेल्या पत्रकानुसार दिनांक २३ नोव्हेंबर पासून इयत्ता नववी ते बारावीचे वर्ग सुरू होणार असल्याने प्रत्येक शिक्षकाची आरटीपीसीआर कोविड टेस्ट घेणे बंधनकारक करण्यात आले आहे. त्यानुसार आज धरणगाव येथील शतकोत्तरी पी. आर. हायस्कूलच्या ४० शिक्षक शिक्षकेतर कर्मचारी वर्गाने पुढाकार घेऊन आपली कोविड टेस्ट करून घेतली. यासंदर्भात मुख्याध्यापक डॉ. संजीवकुमार सोनवणे यांनी नगराध्यक्ष निलेश चौधरी यांना युनिट उपलब्ध करून देण्याची विनंती केली होती त्यानुसार निलेश चौधरी यांनी लगेचच धरणगाव ग्रामीण रुग्णालयाचे वैद्यकीय अधिकारी डॉ. गिरीश चौधरी यांच्याशी संपर्क साधून धरणगावच्या लिटल ब्लासम स्कूल मध्ये पथक उपलब्ध करून दिले. याबद्दल मुख्याध्यापक डॉ. संजीवकुमार सोनवणे यांनी नगराध्यक्ष निलेश चौधरी आणि वैद्यकीय अधिकारी डॉ.गिरीश चौधरी यांचे आभार मानले आहे.
