यांगून (वृत्तसंस्था) म्यानमार मध्ये पुन्हा एकदा राजकीय संघर्ष पेटला आहे. लष्कराने उठाव करत सत्ता काबीज केली आहे. म्यानमारच्या सैन्याने वास्‍तविक नेत्या आंग सान सू की आणि त्यांच्या पक्षाच्या नेत्यांना पोलिसांनी ताब्यात घेतले आहे. तसेच देशात एका वर्षासाठी आणीबाणी घोषित केली आहे.
शेजारील देश म्यानमारमध्ये सत्तांतर झाले आहे. म्यानमार सैन्य टेलीव्हिजनने म्हटल्याप्रमाणे, सेन्याने एका वर्षासाठी देशाची सत्ता हाती घेतली आहे. त्यामुळे आता सैन्याचे कमांडर-इन-चीफ मिन आंग ह्लाइंग यांच्याकडे सत्तेची धुरा असणार आहे. म्यानमार लष्कराचे म्हणणे आहे, की निवडणुकीत गडबड झाल्याने सत्तांतराची कारवाई करण्यात आली आहे. या सत्तांतराबरोबरच देशाच्या विविध भागांत सैन्य तुकड्या तैनात करण्यात आल्या आहेत. या सत्तांतराला कुणीही विरोध करू नये म्हणून, म्यानमारमधील मुख्य शहर यांगूनमध्ये सिटी हॉलबाहेर सान्य तैनात करण्यात आले आहे. म्यानमारमधील नेपीडॉमध्ये सर्व दळणवळणाची साधणे बंद करण्यात आली आहे. सर्व दूरसंचार प्रणाली बंद करण्यात आली आहे. नॅशनल लीग ऑफ डेमोक्रेसी पार्टीच्या सदस्यांना एकमेकांशी बोलण्यास मनाई करण्यात आली आहे. भारताच्या सर्वात जवळ असलेल्या म्यानमारमध्ये एक दशकभरापूर्वी लष्करी सत्तेचा पाडवा करण्यात आला आहे. ५० वर्षांपर्यंत देशात सैन्याचे शासन राहिले होते. मागील वर्षी नोव्हेंबर महिन्यात सार्वत्रिक निवडणुका पार पडल्या आणि त्यात सत्ताधी एनएलडी पक्षाचा पराभव झाला होता. दरम्यान, सैन्याने सत्तापालट केल्याच्या वृत्ताचे खंडन केले होते. काही राजदुतांनी म्यानमारमध्ये सत्तापालट झाल्याची शक्यता वर्तवली होती. पण, सैन्याकडून एक पत्रक प्रसिद्ध करण्यात आले आहे. सैन्याचे कमांडर इन चीफ सीनियर जनरल मिन आंग लाइंग यांचं विधान चुकीच्या पद्धतीने सादर करण्यात आले असल्याचे सांगण्यात आले आहे. आंग सान सू की यांचा सत्ताधारी पक्ष नॅशनल लीग फॉर डेमोक्रेसी पार्टी (NLD) सैनाच्या या खुलाश्यावर समाधान व्यक्त केले होते, पण आता म्यानमारमध्ये सत्तांतर झाले आहे.
म्यानमारमध्ये दीर्घकाळ लष्कराचीच सत्ता राहिली आहे. १९६२ पासून ते २०११ पर्यंत देशात सैन्याची हुकुमशाहीची होती. २०१० मध्ये म्यानमारमध्ये सार्वत्रिक निवडणुका झाल्या आणि २०११मध्ये म्यानमारमध्ये ‘नागरिकांचे सरकार’ आले. यात जनतेने निवडून दिलेल्या प्रतिनिधींना राज्य करण्याची संधी मिळाली होती. अमेरिका, ऑस्ट्रेलियासह अनेक देशांनी म्यानमारच्या सत्तांतरासंदर्भात चिंता व्यक्त केली आहे. तसेच म्यानमारच्या सैन्याला कायद्याचा आदर करण्याचे आवाहन करण्यात आले आहे. यासंदर्भात, व्हाइट हाऊसचे प्रवक्ता जेन साकींनी म्हटले आहे, ‘म्यानमारच्या सैन्याने स्टेट काउंसलर आंग सान सू की आणि इतर काही नागरिक अधिकाऱ्यांना अटक करून देशातील लोकशाही संक्रमण कमी करण्याच्या दृष्टीने पाऊल उचलले आहे.’ म्यानमार सैन्याला इशारा देत अमेरिकेने म्हटले आहे, ‘संयुक्त राज्य अमेरिकेने नुकत्याच झालेल्या निवडणूक निकालाचे परिणाम बदलण्याच्या अथवा म्यानमारच्या लोकशाही व्यवस्थेला धक्का पोहोचवण्याच्या कुठल्याही प्रयत्नांचा विरोध केला आहे. तसेच हे सत्तांतर संपले नाही, तर जबाबदार लोकांविरोधात कारवाई करण्यात येईल.’
