नांदेड ता. धरणगाव (प्रतिनिधी) पालकमंत्री गुलाबराव पाटील यांनी स्वातंत्र्याच्या 75 वर्षांच्या उत्सवानिमित्त नांदेड येथील स्वतंत्र सैनिक पाल्य भरत जगन्नाथ सैंदाणे यांचा सत्कार नुकताच सत्कार केला.
धरणगाव तालुक्यातील नांदेड येथील स्वतंत्र सैनिक पाल्य भरत जगन्नाथ सैंदाणे यांच्या स्वातंत्र्याच्या 75 व्या अमृता उत्सवानिमित्त स्वतंत्र सैनिक आजोबा कौतिक महारु कोळी यांनी केलेल्या योगदानामुळे पालकमंत्री व जिल्हाधिकारी जळगाव यांच्यातर्फे भरत सैंदाणे यांचा सत्कार करण्यात आला.
स्वातंत्र्याच्या अमृत महोत्सवानिमित्त जिल्हा प्रशासनाच्या वतीने जळगाव जिल्ह्यातील २२४ स्वातंत्र्य सैनिक व त्यांच्या कुटुंबीयांचा पालकमंत्री गुलाबराव पाटील यांच्या हस्ते सत्कार करण्यात आला. त्यावेळी ते बोलत होते. यावेळी व्यासपीठावर आमदार सुरेश भोळे, जिल्हाधिकारी आयुष प्रसाद, पोलीस अधीक्षक एम.राजकुमार, अपर जिल्हाधिकारी प्रवीण महाजन आदी उपस्थित होते.
यावेळी काही जेष्ठ स्वातंत्र्य सैनिकांना प्रकृतीच्या कारणास्तव व्यासपीठावर उपस्थित राहणे शक्य नव्हते. त्यामुळे त्यांचा ही पालकमंत्री, जिल्हाधिकारी, पोलीस अधीक्षकांनी जागेवर जाऊन सन्मान केला. कार्याक्रमाच्या यशस्वितेसाठी नायब तहसीलदार प्रदीप झांबरे, लिपिक अनिल पठाडे, दिनकर मराठे, चंद्रकांत कुंभार, प्रेमराज वाघ, राजश्री पाचपोळ, जिज्ञा भारंबे, मनिषा राजपूत, सुमती मनोरे व स्मिता महाजन यांनी परिश्रम घेतले.
