न्यूयॉर्क (वृत्तसंस्था) मंगळावर जीवसृष्टी अस्तित्वात होती की नाही?, या प्रश्नाचं उत्तर शोधण्यासाठी अमेरिकेतील अंतराळ संस्था ‘नासा’ने हाती घेतलेल्या मोहिमेतील महत्त्वाचा टप्पा पार पडला आहे. सात महिन्यापूर्वी नासाने पर्सिव्हरन्स रोव्हर मंगळावर पाठवलं होतं. आता ते रोव्हर मंगळावर यशस्वी उतरलं आहे. भारतीय प्रमाणवेळेनुसार पहाट तीन वाजण्याच्या सुमारास नासाचे हे रोव्हर मंगळावर उतरलं आहे.
अमेरिकन स्पेस एजन्सी नासाने आपल्या यशात आणखी एक मानाचा तुरा रोवला आहे. १८ फेब्रवारी रोजी पहाटे तीन वाजेच्या सुमारस नासाच्या पर्सिव्हरन्स रोव्हरचं मंगळावर यशस्वी लँडिंग करण्यात आलं. जेजेरो क्रेटर या मंगळावरील दुर्गम भागात हे रोव्हर उतरवण्यात आलं आहे. मंगळावरील जीवसृष्टीच्या पाऊलखूणा शोधण्यासाठी पृथ्वीवरील पाठवण्यात आलेल्या पर्सिव्हरन्स रोव्हरनं यशस्वीपणे पाऊल टाकलं. नासाने सात महिन्यांपूर्वी मंगळावर पर्सिव्हरन्स रोव्हर पाठवला होता. या रोव्हरच्या लँडिंगबरोबरच अमेरिका मंगळावर सर्वाधिक रोव्हर पाठवणारा पहिला देश ठरला आहे. नासाचे मंगळावर उतरलेलं हे पाचवे रोव्हर आहे. नासाने सांगितल्याप्रमाणे ‘द सेव्हन मिनीट्स ऑफ टेरर” हा काळ रोव्हर मंगळावर उतरताना सर्वाधिक महत्वाचा आणि आव्हानात्मक काळ होता. या सात महिन्याच्या काळात तासी १९,००० किमी या वेगाने पर्सेव्हरन्स मार्स रोव्हरने २९३ मिलियान मैलाचे अंतर कापले आहे. नासाच्या या रोव्हरने मंगळावर आपले पाऊल ठेवताच नासाच्या कार्यालयात कर्मचाऱ्यांनी एकच जल्लोश केला. नासासाठी ही अभिमानास्पद बाब असल्याचं कर्मचाऱ्यांनी सांगितलं. ही नव्या युगाची सुरुवात आहे अशी भावना नासाच्या सायन्स असोसिएट अॅडमिनिस्टेटर थॉमस झुर्बकेन यांनी सांगितलं आहे.
नासाने मंगळावर पाठवलेल्या पर्सिव्हरन्स रोव्हरने जमिनीवर उतरताच पहिलं छायाचित्र पाठवलं असून, नासाने ट्विटरवर पोस्ट केलं आहे. मंगळवार जीवसृष्टी अस्तित्वात होती का? याचा शोध घेण्यासाठी नासानं पर्सिव्हरन्स रोव्हर पाठवलं असून, मंगळ ग्रहावरील अत्यंत दुर्गम भाग असलेल्या जेजेरो क्रेटरमध्ये रोव्हर उतरवण्यात आलं आहे. जीवसृष्टीचा शोध घेण्यासाठी हे रोव्हर मंगळावरील माती आणि दगडांचे नमुने घेऊन येणार आहे. ‘पर्सिव्हवरन्स रोव्हर पुढील काही वर्ष मंगळावर राहणार आहे. या काळात जीवसृष्टी अस्तित्वात असल्याचा खुणांचा शोध रोव्हर घेणार असून, मंगळावरून नमुने घेऊन पृथ्वीवर परत येईल. ज्यामुळे भविष्यात माणसाचा मंगळावर जाण्याचा मार्ग खुला होईल,’ असं नासानं म्हटलं आहे.
