पंजाब (वृत्तसंस्था) पंजाबमधील राजकीय उलथापालथ थांबण्याचं नाव घेत नसून आता काँग्रेसचे प्रदेशाध्यक्ष नवज्योतसिंग सिद्धू यांनी प्रदेशाध्यक्षपदाचा राजीनामा दिला आहे. काही दिवसांपूर्वीच सिद्धू यांच्याकडे प्रदेशाध्यक्षपद सोपविण्यात आलं होतं. सिद्धू यांनी आपला राजीनामा काँग्रेसच्या कार्यकारी अध्यक्षा सोनिया गांधी यांच्याकडे पाठवला आहे.
पंजाब काँग्रेसचे अध्यक्ष नवज्योत सिंग सिद्धू यांनी आपल्या प्रदेशाध्यक्षपदाचा राजीनामा दिला आहे. राजीनामा थेट त्यांनी काँग्रेसच्या अध्यक्षा सोनिया गांधी यांना पाठविला आहे. सिद्धू यांनी राजीनामा दिल्यामुळे पंजाब काँग्रेसमधील नाराजी पुन्हा एकदा चव्हाट्यावर आली आहे. कॅप्टन अमरिंदर सिंग यांनी राजीनामा दिल्यानंतर मुख्यमंत्रिपदाच्या शर्यतीत नवज्योत सिंह सिद्धू यांचं नाव चर्चेत होतं. खुद्ध सिद्धू यांनाच मुख्यमंत्रिपदाची अपेक्षा होती. पण, काँग्रेसमधील वरिष्ठांनी सिद्धूंच्या स्वप्नावर पाणी फेरले.
दरम्यान, कॅप्टन अमरिंदर सिंग यांच्या राजीनाम्यानंतर आपल्याच पदरात मुख्यमंत्रीपदाची माळ पडेल असं सिद्धूंना वाटत होतं. मात्र, सिद्धूंकडे मुख्यमंत्रीपद आलं नाही. शिवाय नव्या मंत्रिमंडळात दोन उपमुख्यमंत्री देण्यात आले. मात्र, सिद्धूंकडे उपमुख्यमंत्रीपदही दिलं गेलं नाही. त्यामुळे ते नाराज होते. त्याच नाराजीतून त्यांनी राजीनामा दिल्याचं सांगितलं जात आहे. तर काही सूत्रांच्या मते सिद्धू यांच्याकडे गृहमंत्रीपदाची धुरा जाऊ शकते, त्यामुळेच त्यांनी राजीनामा दिला असावा, असं सांगितलं जात आहे.
