नशिराबाद (सुनिल महाजन) येथील न्यू इंग्लिश स्कूल प्राथमिक विद्यामंदिरात अंगारक चतुर्थी निमित्त श्री गणेशाची विधिवत पूजा नुकतीच संपन्न झाली.
सर्वप्रथम अंगारक चतुर्थीचे औचित्य साधून माध्यमिक पर्यवेक्षक बी आर खंडारे यांच्या हस्ते पूजा करण्यात येऊन आरती करण्यात आली. या कार्यक्रमास माध्यमिक मुख्याध्यापक सी बी अहिरे, प्राथमिक मुख्याध्यापक प्रविण महाजन, आर एल पाचपांडे, हेमंत सावकारे, टि टी सोनवणे हे उपस्थित होते.
यावेळी मंदार वाणी याने गणपती स्त्रोत गायन केले तर त्याच्या मागे सर्व विद्यार्थ्यानी सामूहिक पणे गणपती स्त्रोतचे पठण केले. तसेच सर्व विद्यार्थांनी, पालकांनी व शिक्षकांनी दर्शनाचा लाभ घेऊन प्रसादाचा स्वाद घेतला. यावेळी प्रा विनायक कोष्टी यांनी प्राथमिक विभागास श्रीगणेशाची मूर्ती दिल्या बद्दल शाळेच्या वतीने त्यांचे आभार मानण्यात आले. या कार्यक्रमाचे नियोजन संगीता जोशी यांनी केले.
