जळगाव (प्रतिनिधी) महाराष्ट्र लोकसेवा आयोग राज्यसेवा पुर्व परिक्षा २०२१ जळगाव शहरात दि. १४ मार्च २०२१ रोजी एकुण १६ उपकेंद्रावर सकाळी १०.०० ते दुपारी १२.०० व दुपारी ३.०० ते ५.०० या वेळेत घेण्यात येणार आहे. सदर परीक्षेच्या वेळी गैरप्रकार होऊ नयेत. तसेच परीक्षा केंद्राच्या ठिकाणी शांतता व सुव्यवस्थेस बाधा उत्पन्न होवू नयेत. यासाठी खबरदारीचे उपाय म्हणून जिल्हादंडाधिकारी अभिजीत राऊत हे फौजदारी प्रक्रीया संहिता १९७३ चे कलम (१)(२) व (३) खाली प्रदान करण्यात आलेल्या अधिकारानुसार खालीलप्रमाणे आदेश देत आहे.
दिनांक १४ मार्च २०२१ रोजी सकाळी १०.०० ते दुपारी १२.०० व दुपारी ३.०० ते ५.०० वाजेपावेतो जळगाव शहरातील एकुण १६ परीक्षा केंद्राचे १०० मीटर परिसरात कोणीही प्रवेश करु नये. सदर आदेश परिक्षार्थी, नियुक्त कर्मचारी, अधिकारी, पोलीस होमगार्ड यांचेसाठी लागु होणार नाही.
सर्व संबंधितांवर वैयक्तिकरित्या नोटीस बजाविण्यास पुरेसा कालावधी नसलेने फौजदारी प्रक्रिया संहिता १९७३ चे कलम (२) नुसार एकतर्फी काढण्यात येत आहे. असे आवाहन जिल्हादंडाधिकारी अभिजीत राऊत, जळगाव यांनी एका प्रसिद्धी पत्रकान्वये केले आहे.
